நடுக்கடலில் திண்டாடிய ராட்சத களவாய் மீன்கள்!

நவீன் · நவீன் Tue Aug 17, 2010 7:15 pm

ராமேஸ்வரம்:

பாம்பன் பாலம் இப்போதைக்கு திறக்கிற சூழல் இல்லாததால்,
நடுக்கடலில் திண்டாடிய ‘ராட்சத’ களவாய் மீன்கள், மாற்று ஏற்பாடாக
கரைக்குக் கொண்டு வரப்பட்டன. வங்காள விரிகுடா ஆழ்கடல் பகுதிகளில்
விலையுயர்ந்த மீன்கள் ஏராளம் கிடைக்கும். இதற்காக,கேரள பகுதிகளில் இருந்து
பிரமாண்ட விசைப்படகுகள் பாம்பன் கடற்பகுதிக்கு வந்து மீன் பிடித்துச்
செல்வது வழக்கம். கடந்த ஒரு மாதத்துக்கு முன், கேரளாவின் கொல்லம்
பகுதியில் இருந்து ஒரு மெகா விசைப்படகு, வங்களா விரிகுடா ஆழ்கடலில் மீன்
பிடிப்பதற்காக பாம்பன் கடற்பகுதிக்கு வந்தது.

பாம்பன் பாலத்தைக்
கடந்து சென்ற அந்த விசைப்படகு, சுமார் 5 டன் அளவுக்கு, ஆழ்கடலில்
வசிக்கும் ராட்சத களவாய் மீன்களைப் பிடித்துக் கொண்டு மீண்டும் கேரளா
திரும்பியது. பாம்பன் பாலத்தைக் கடக்க முயன்ற அந்தக் விசைப்படகுக்கு
திடீர் சிக்கல், பாம்பன் பாலத்தில் பில்லர்களை வெல்டிங் வைத்து
பராமரிக்கும் பணிகள் தற்போது நடந்து வருகின்றன. இதனால், பாலத்தை திறந்து,
படகை அனுப்ப முடியாத நிலைமை ஏற்பட்டது. கடந்த மூன்று நாட்களாக விசைப்படகு
பாம்பன் பாலத்தைக் கடக்க முடியாமல் கடலில் பரிதவித்து நின்றது.
நடுக்கடலில் பிடிக்கப்பட்ட ஐந்து டன் களவாய் மீன்கள், படகில் உள்ள ஐஸ்
ஸ்டோரேஜ் பகுதியில் பாதுகாப்பாக வைக்கப்பட்டிருந்தன.

அந்த அறையில்
ஐஸ் கட்டிகள் உருகி குளிர்ச்சி குறையக் குறைய, மீன்கள் அழுகி கெடும்
ஆபத்து உருவானது. பாம்பன் பாலம் இப்போதைக்கு திறக்கிற மாதிரியில்லை
என்பதால், இனியும் தாமதித்து பயனில்லை என்ற முடிவுக்கு விசைப்படகு
உரிமையாளர்கள் வந்தனர்.
பாம்பன் தெற்குவாடி கடற்பகுதியில் இருந்து ஒரு
நாட்டுப்படகை வாடகைக்குப் பேசி அழைத்தனர். விசைப்படகில் இருந்த ‘ராட்சத’
களவாய் மீன்கள், நாட்டுப்படகு மூலம் கரைக்கு இடம் மாற்றப்பட்டன. கரையில்
இருந்து தற்போது கொல்லத்துக்கு வாகனங்கள் மூலம் மீன்கள் கொண்டு செல்லும்
பணி துவங்கியுள்ளது.

நடுக்கடலில் திண்டாடிய ராட்சத களவாய் மீன்கள்!

நடுக்கடலில் திண்டாடிய ராட்சத களவாய் மீன்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக