அதிக கட்டணம் வசூலித்த 6 பொறியியல் கல்லூரிகள்

சென்னை :

அரசு நிர்ணயித்ததைவிட கூடுதலாக கட்டணம் வசூலித்த 6 பொறியியல் கல்லூரிகள் குறித்து கண்காணிப்பு குழுவினர் இன்று அரசுக்கு அறிக்கை தாக்கல் செய்கின்றனர். அண்ணா பல்கலைக் கழகம் மற்றும் அதனுடன் இணைந்த பொறியியல் கல்லூரிகளில், ஒற்றைச் சாளர முறையில் சேர்க்கப்படும் மாணவர்களிடம் ^32,500 மற்றும் ^40,000 என கட்டணம் நிர்ணயிக்கப்பட்டுள்ளது. இந்த நிலையில், ஆண்டுதோறும் பொறியியல் படிப்பில் சேரும் மாணவர்களிடம் சில கல்லூரிகள் அதிக கட்டணம் மற்றும் நன்கொடை வசூலிப்பதாக அண்ணா பல்கலைக் கழகத்துக்கு புகார்கள் வருகின்றன. இந்த புகார்கள் மீது விசாரணை நடத்த 3 பேர் கொண்ட கண்காணிப்பு குழுவை அரசு அமைத்துள்ளது.இந்த கமிட்டியின் தலைவராக, தமிழ்நாடு திறந்தநிலை பல்கலைக்கழக முன்னாள் துணை வேந்தர் எம்.எஸ்.பழனிச்சாமி நியமிக்கப்பட்டுள்ளார். சென்னை அண்ணா பல்கலைக்கழக துணைவேந்தர் மன்னர் ஜவகர், தமிழ்நாடு மாநில தொழில் கல்வி கவுன்சிலின் உறுப்பினர் செயலாளர் சமியுல்லா ஆகியோர், இந்த கமிட்டியில் இடம் பெற்றுள்ளனர்.அதிக கட்டணம் வசூலிக்கும் கல்லூரிகள் குறித்து, அரசு பொறியியல் கல்லூரிகள், அண்ணா பல்கலைக்கழகங்களின் பதிவாளர்களிடமும் புகார் தெரிவிக்கலாம். அந்த புகார்கள் குறித்தும் 3 பேர் கமிட்டி விசாரிக்கும் என்று கடந்த மே மாதம் அரசு அறிவித்தது.இதைத் தொடர்ந்து இந்த கமிட்டிக்கு இதுவரை 35 புகார்கள் வந்துள்ளன. அவற்றில் 2 புகார்கள் நிகர்நிலைப் பல்கலைக்கழகங்கள் மீது தெரிவிக்கப்பட்டு உள்ளன. அதன் மீதான விசாரணையை இந்த கமிட்டி விசாரிக்க முடியாது. மீதம் 33 புகார்கள் இருந்தன. அவற்றில் ஒரு மாணவி தான் எழுதிய புகாரை நேற்று திரும்ப பெற்றுக் கொண்டார். இதனால் 32 புகார்கள் மீது கமிட்டி விசாரணையை தொடங்கியுள்ளது.முதற்கட்டமாக 6 பொறியியல் கல்லூரிகளுக்கு மேற்கண்ட கமிட்டியினர் நேரடியாக சென்று கல்லூரி நிர்வாகம் மற்றும் மாணவர்களிடம் விசாரணை நடத்தியுள்ளது. இந்த விசாரணை மீதான அறிக்கை தயாரிக்கப்பட்டுள்ளது. இன்று அந்த அறிக்கை முதல்வரிடம் கொடுக்கப்படுகிறது. இதைத் தொடர்ந்து அந்த 6 கல்லூரிகளின் மீது நடவடிக்கை எடுக்க ஏஐசிடிஇ (அகில இந்திய தொழில்நுட்ப கல்வி கழகம்)க்கு அரசு பரிந்துரை செய்யும்.

இன்னுமா தெரியவில்லை .இல்லை புரியவில்லையா ?

இது தான் நாடகத்தின் எல்லையா ?