மனைவிக்கு கத்திக்குத்து: கணவர் தற்கொலை

நவீன் · நவீன் Tue Aug 17, 2010 6:35 pm

குறிச்சி:

மனைவி மீது சந்தேகமடைந்த கணவன், மனைவி மற்றும் மாமியாரை
கத்தியால் குத்தி கொலை செய்ய முயன்றார். தானும் விஷம் குடித்து தற்கொலை
செய்தார். போத்தனூரிலுள்ள பேச்சியம்மன் கோவில் வீதியை சேர்ந்தவர் சாகுல்
ஹமீது(28); ஆட்டோ டிரைவர். இவருக்கும், நூராபாத் மஸ்தான் சாயுபு வீதியை
சேர்ந்த நாதியா பேகம்(20) என்பவருக்கும் ஐந்து ஆண்டுகளுக்கு முன் திருமணம்
நடந்தது; இரு குழந்தைகள் உள்ளனர். சாகுல் ஹமீது, மனைவியின் நடத்தையில்
சந்தேகம் கொண்டார். இருவருக்குமிடையே அடிக்கடி பிரச்னை ஏற்படும். இரு
நாட்களுக்கு முன், வழக்கம்போல பிரச்னை ஏற்பட்டது. நாதியாபேகம், தனது
பெற்றோர் வீட்டுக்கு வந்து தங்கினார்.
நேற்று காலை மனைவியின் வீட்டுக்குச் சென்ற சாகுல் ஹமீது, மனைவியோடு
வாக்குவாதம் செய்தார். ஆத்திரமடைந்த சாகுல் ஹமீது தான் மறைத்து
வைத்திருந்த கத்தியால் மனைவியை ஐந்து இடங்களில் குத்தினார்; தடுக்க வந்த
மாமியார் மும்தாஜுக்கும் கத்திக்குத்து விழுந்தது. இருவரின் அலறல் சத்தம்
கேட்டு அருகிலிருந்தோர் ஓடி வந்தனர். அப்போது, சாகுல் ஹமீது வாந்தி
எடுத்து மயங்கி விழுந்தார். மூவரையும் சிகிச்சைக்காக, கோவை அரசு
மருத்துவமனைக்கு அழைத்துச் சென்றனர். சிகிச்சை பலனின்றி சாகுல் ஹமீது
இறந்தார். உயிருக்கு ஆபத்தான நிலையில் நாதியாபேகம் சிகிச்சை பெற்று
வருகிறார். போத்தனூர் போலீஸ் இன்ஸ்பெக்டர் திருமேனி நடத்திய விசாரணையில்,
சாகுல் ஹமீது மனைவியை கொலை செய்துவிட்டு, தற்கொலை செய்துகொள்ளும்
நோக்கத்தில், மனைவியின் வீட்டுக்கு வரும் முன் விஷம் குடித்தது தெரிந்தது.
போலீசார் விசாரிக்கின்றனர்.

மனைவிக்கு கத்திக்குத்து: கணவர் தற்கொலை

மனைவிக்கு கத்திக்குத்து: கணவர் தற்கொலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக