தாராபுரத்தில் துணிகரம் கோர்ட்டு பெண் அதிகாரி வீட்டில் நகை- பணம் கொள்ளை ஓய்வு பெற்ற மின் வாரிய அதிகாரி வீட்டிலும் கைவரிசை

நவீன் · நவீன் Tue Aug 17, 2010 5:02 pm

தாராபுரம்,

தாராபுரம்
அருகே உள்ள கொழிஞ்சிவாடி குடி தெருவில் வசித்து வருபவர் நாகலட்சுமி. இவர்
உடுமலை சப்-கோர்ட்டில் துணை கண்காணிப்பாளராக வேலை பார்த்து வருகிறார்.
நாகலட்சுமியின் கணவர் பெயர் சதாசிவம். இவர் நெடுஞ்சாலைத்துறையில்
சூப்பர்வைசராக பணியாற்றி வருகிறார்.

வேலை
விஷயமாக இவர் நேற்று வெளியூர் சென்றுவிட்டார். நாகலட்சுமி அதே பகுதியில்
வசிக்கும் தனது தங்கை வீட்டுக்கு சென்றிருந்தார். இரவு
வெகுநேரமாகிவிட்டதால் அங்கு தங்கிவிட்டார். இதனை நோட்டமிட்ட கொள்ளை
கும்பல் நாகலட்சுமி வீட்டுக்கு வந்தது.

முன்பக்க
கதவை உடைத்து உள்ளே சென்ற அக்கும்பல் பீரோவை உடைத்து அதில்
வைக்கப்பட்டிருந்த 35 பவுன் நகை, ரூ. 30 ஆயிரம் பணம் ஆகியவற்றை கொள்ளை
யடித்தது. சொத்து சம்பந்தமான ஆவணங் கள், ஏ.டி.எம். கார்டு ஆகியவற்றை யும்
கொள்ளையடித்தனர். இவற்றின் மொத்த மதிப்பு ரூ.5 லட்சம் ஆகும். இன்று காலை
வீட்டுக்கு வந்த நாகலட்சுமி நகை - பணம் கொள்ளை போயிருப்பது கண்டு
அதிர்ச்சி அடைந்தார்.

நாகலட்சுமி
வீட்டில் கைவரிசைகாட்டிய கொள்ளை அக்கும்பல் அவரது வீட்டுக்கு பின்புறம்
உள்ள தெருவில் வசிக்கும் ஓய்வு பெற்ற மின்வாரிய அதிகாரி துர்க்கையண்ணன்
வீட்டிற்கும் சென்றது.

இவர்
பழனிக்கு சென்று விட்டார். மகன்- மகள் மட்டுமே வீட்டில் இருந்தனர்.
அவர்கள் மாடியில் படுத்து தூங்கிக் கொண்டிருந்தனர். அங்கு சென்ற கொள்ளை
கும்பல் இருவரும் வெளியே வராத வகையில் கதவை வெளிப்புறமாக பூட்டியது.
பின்னர் கீழே வந்து வீட்டிலிருந்த பூரோவை உடைத்தனர். அதில் துர்க்கையண்ணன்
மனைவியின் தாலிக்கொடி இருந்தது. அதனை கொள்ளை யடித்து சென்றுவிட்டனர்.

அடுத்தடுத்து
நடந்த இந்த கொள்ளை சம்பவம் குறித்து தாராபுரம் போலீசில் புகார்
செய்யப்பட்டது. டி.எஸ்.பி. மந்திரமூர்த்தி உத்தரவின் பேரில் போலீசார்
அங்கு வந்தனர். போலீஸ் மோப்பநாய், கைரேகை நிபுணர்கள் வரவழைக்கப்பட்டனர்.
அவர்கள் ரேகைகளை பதிவு செய்தனர்.

கொள்ளை
நடந்த இடத்தில் 24 மணி நேரமும் ஆட்கள் நடமாட்டம் இருக்கும்.
இப்பகுதியிலேயே கொள்ளையர்கள் கைவரிசை காட்டி இருப்பது பொது மக்களிடையே
பீதியை ஏற்படுத்தி உள்ளது.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக