முத்துநகர் எக்ஸ்பிரசில் பெண் பயணியிடம் 11 பவுன் நகை கொள்ளை: நெல்லையை சேர்ந்த இளம்பெண் கைது

நவீன் · நவீன் Tue Aug 17, 2010 4:59 pm

மதுரை,

தூத்துக்குடி
அருகேயுள்ள திரேஸ்புரத்தை சேர்ந்தவர் ஜெபதுரை. இவரது மனைவி ரெம்கியூஸ்
பெல்ஜி. இவர் எல்.ஐ.சி. ஏஜெண்டாக உள்ளார். கடந்த சில நாட்களுக்கு முன்பு
சென்னை சென்றார். பின்னர் ஊர் திரும்புவதற்காக சென்னை ரெயில்
நிலையத்திற்கு சென்று முத்துநகர் எக்ஸ்பிரஸ் ரெயிலில் ஏறினார்.

மதுரை
வந்தபோதுதான் வைத்து இருந்த கைப்பையை காணாததை கண்டு அதிர்ச்சி அடைந்தார்.
அதில் 11 பவுன் நகை வைத்து இருந்ததாக கூறப்படுகிறது. இதுபற்றி அங்கிருந்த
பயணிகளிடம் கேட்டும் யாரும் பார்க்கவில்லை என்று கூறினர்.

இது
குறித்து மதுரை ரெயில்வே போலீசில் புகார் செய்தார். இன்ஸ்பெக்டர் ராவணன்
வழக்குப்பதிவு செய்து விசாரணை நடத்தி வந்தார். அப்போது தன் பக்கத்தில் ஒரு
பெண் சந்தேகப்படும்படியாக இருந்ததாகவும் அவர் தான் எடுத்து இருக்கலாம்
என்றும் போலீசில் ரெம்கியூஸ் பெல்ஜி கூறினார்.

இவர் தெரிவித்த தகவல்படி விசாரித்ததில் நெல்லை மாவட்டம்
பாளையசெட்டிகுளத்தை சேர்ந்த ஒரு இளம்பெண் ரெம்கியூஸ் பெல்ஜி அருகே இருந்து
பயணம் செய்தது தெரியவந்தது. உடனே மதுரை போலீசார் சம்பவ இடத்திற்கு சென்று
விசாரணை நடத்தினர்.

இந்த
விசாரணையில் பாளையம்செட்டிகுளம் தெற்கு தெருவை சேர்ந்த கிறிஸ்டோபர் ராஜா
என்பவரின் மனைவி பிரின்ஸ்கீதா (வயது28) எல்.ஐ.சி. ஏஜெண்டான ரெம்கியூஸ்
பெல்ஜியுடன் ரெயிலில் பயணம் செய்தது தெரியவந்தது. அவரிடம் போலீசார் துருவி
துருவி விசாரணை நடத்தினர்.

அப்போது
நகையை திருடியதை அவர் ஒப்புக்கொண்டார். இதை தொடர்ந்து அவரை போலீசார் கைது
செய்தனர். மேலும் ரெயிலில் பயணிகளிடம் கொள்ளை சம்பத்தில் ஈடுபட்டாரா?
என்பது குறித்தும் போலீசார் தீவிர விசாரணை நடத்தி வருகிறார்கள்.

முத்துநகர் எக்ஸ்பிரசில் பெண் பயணியிடம் 11 பவுன் நகை கொள்ளை: நெல்லையை சேர்ந்த இளம்பெண் கைது

முத்துநகர் எக்ஸ்பிரசில் பெண் பயணியிடம் 11 பவுன் நகை கொள்ளை: நெல்லையை சேர்ந்த இளம்பெண் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக