தண்டையார்பேட்டையில் 4 வயது மகனை கொன்று தாய் தற்கொலை

ராயபுரம்,

தண்டையார்பேட்டை
பிள்ளையார் கோவில் தெரு வைச்சேர்ந்தவர் போஸ் (32). மருந்து கம்பெனியில்
ஊழிய ராக வேலை பார்க்கிறார்.இவரது மனைவி ரேவதி (29). இவர்களது மகன்
சுந்தர் விஜய் (4). தனியார் பள்ளியில் யூ.கே.ஜி. படித்து வந்தான்.

ரேவதி, போஸின் தங்கையிடம் ஆயிரம் ரூபாய் கடன் வாங்கினார். அதனை திருப் பித்தரவில்லை.

நேற்று காலை அவர் போஸ் வீட்டுக்கு வந்து கொடுத்த பணத்தை ஏன் தர வில்லை என்று அவதூறாக பேசியதாக கூறப்படுகிறது.

இதனால்
போசுக்கு அவமானமாகி விட்டது. ஆத்திரத்தில், கடன் ஏன் வாங்கினாய். ஏன்
இப்படி அவமானத்தை வாங்கிக் கொடுக்கிறாய் என மனைவி ரேவதியை திட்டினார்.
அதன் பிறகு அவர் வேலை விஷயமாக அருப்புக்கோட்டை சென்று விட்டார்.

கணவர்
திட்டியதை நினைத்து ரேவதி மனம் நொந்து போனார். நேற்று இரவு ரேவதி தற்கொலை
செய்து கொள்ள முடிவு செய்தார். தான் இறந்து விட்டால் தன் மகனை யார்
கவனித்து கொள்வார் என யோசித்தார். அதனால் அவனையும் கொன்று விட்டு தானும்
தற்கொலை செய்ய முடிவு செய்தார்.

முதலில் மகன் சுந்தர் விஜயை சேலையால் கழுத்தை இறுக்கினார். சிறிது நேரத்தில் அவன் இறந்து விட்டான்.

இதன்
பிறகு அதே சேலையின் மறுமுனையில் கழுத்தை இறுக்கி கம்பியில் தொங்கி தற்கொலை
செய்து கொண்டார். நீண்ட நேரமாக வீடு பூட்டப்பட்டு கிடந்ததால் அக்கம்
பக்கத்தினருக்கு சந்தேகம் ஏற்பட்டது.கதவை தட்டிப்பார்த்தனர். திறக்க
வில்லை. ஜன்னல் வழியாக பார்த்தனர். அப்போது தூக்கில் தாயும் மகனும்
தொங்கிக் கொண்டிருந்தனர். இதுபற்றி தண்டையார் பேட்டை போலீசுக்கு தகவல்
தெரிவிக்கப்பட்டது.

வண்ணாரப்பேட்டை
போலீஸ் உதவி கமிஷனர் குமார், இன்ஸ்பெக்டர் ரமேஷ்பாபு, சப்- இன்ஸ்பெக்டர்
ரவி ஆகியோர் விரைந்து வந்தனர். பிணத்தை ஸ்டான்லி அரசு ஆஸ்பத்திரிக்கு
அனுப்பி வைத்தனர். மனைவி- மகன் இறந்து போனது பற்றி போசுக்கு தகவல்
தெரிவிக்கப்பட்டு விரைந்து வந்தார்.

இந்த சம்பவத்தால் அந்த பகுதி சோகமாக காணப்பட்டது.