சேலத்தில் 6 பேர் வெட்டிக்கொலை சரண்அடைந்தவரின் மகன் சிக்கினார்: ரகசிய இடத்தில் வைத்து விசாரணை

சேலம்,

சேலம்
அருகில் உள்ள தாசநாய்க்கன்பட்டியில் வசித்து வந்த முன்னாள் போலீஸ் அதிகாரி
குப்புராஜ் ( வயது 78) , அவரது மனைவி சந்திராம்பாள்(வயது 70), மகன்
ரத்தினம்(வயது 52), இவரது மனைவி சந்தானகுமாரி(வயது 45) , ரத்தினத்தின்
மகன் கவுதமன்.

( வயது 23) , ரத்தினத்தின் மகள் விக்னேஸ்வரி(வயது 12) ஆகியோர் கொடூரமாக கொல்லப்பட்டனர்.

இவர்களை
குப்புராஜின் மகன் சிவகுரு கொலை செய்ததாக கூறி சென்னை கோர்ட்டில் சரண்
அடைந்தார். பின்னர் அவர் சென்னை சிறையில் அடைக்கப்பட்டார்.

6 பேரை கொன்று சென்னை கோர்ட்டில் சரண் அடைந்த சிவகுருவை போலீஸ் காவலில் எடுத்து விசாரிக்க உத்தரவிடப்பட்டது.

இதன்
பேரில் சேலம் கோர்ட்டில் இன்று போலீசார் மனுசெய்ய உள்ளனர். இதையடுத்து
இன்னும் இரண்டு நாட்களில் சிவகுரு போலீஸ் காவலில் எடுத்து
விசாரிக்கப்பட்டு விடுவார் என தெரிகிறது.

இவரது
மகன் கோகுல் நாத்துக்கு (வயது 19) கொலையில் தொடர்பு இருப்பது போலீஸ்
விசாரணையில் தெரியவந்துள் ளது. இதனால் இவரை போலீசார் தேடினர். ஆனால் அவர்
தலைமறைவாகி விட்டார்.

இவரை
பிடிக்க சேலம் சரக டி.ஐ.ஜி. வெங்கட்ராமன் 5தனிப்படைகளை அமைத் தார். சேலம்
மாவட்ட போலீஸ் சூப்பிரெண்டு ஜான்நிக்கல்சன் தலைமையிலும் கூடுதல்
சூப்பிரெண்டு இளங்கோவன் தலைமையிலும், ரூரல் துணை சூப்பிரெண்டு பாஸ்கரன்
தலைமையிலும் தனிப்படைகள் அமைக்கப் பட்டு விசாரித்து வந்தனர்.

கோகுல்நாத்
சென்னை யில் பதுங்கி இருக்கலாம் என தனிப்படைக்கு தகவல் கிடைத்தது. இதனால்
அவர்கள் சென்னை சென்று தேடினர். ஆனால் அவர் இருக்கும் இடம் அவர்களுக்கு
தெரியவில்லை.

இந்த
நிலையில் நேற்று நள்ளிரவு கோகுல்நாத் தனிப்படையிடம் சிக்கினார். உடனே அவரை
சேலம் இரும்பாலை போலீஸ் நிலையத்திற்கு போலீசார் அழைத்து சென்று
விசாரித்தனர். ஆனால் அவர் ஏதும் கூறவில்லை. அமைதியாக இருந்தார்.

இதை
அறிந்த சேலம் மாவட்ட போலீஸ் சூப்பி ரெண்டு ஜான்நிக்கல்கன், கூடுதல்
சூப்பிரெண்டு இளங்கோவன், ரூரல் துணை சூப்பிரெண்டு பாஸ்கரன் மற்றும் உயர்
போலீசார் இரும்பாலை போலீஸ் நிலையம் வந்து கோகுல்நாத்திடம் விசாரித்தனர்.
அப்போதும் அவர் ஏதும் கூறவில்லை.

இதனால் அவரை வேறு ரகசிய இடத்திற்கு அழைத்து சென்று உயர் போலீஸ் அதிகாரிகள் விசாரித்து வருகிறார்கள்.

இதுகுறித்து
உயர் போலீஸ் அதிகாரிகளிடம் கேட்டதற்கு, தற்போது ஏதும் தெரிவிக்க இயலாது.
6பேர் கொலை குறித்து தீவிர விசாரணை நடக்கிறது. சிவகுரு போலீஸ்
பாதுகாப்பில் எடுத்து விசாரித்த பின்னரே நடந்தது என்ன என்று தெரிய வரும்
என்று கூறினர்.

சேலம்
தாசநாய்க்கப்பட்டி பகுதியில் கோகுல்நாத்திற்கு நண்பர்கள் பலர் உள்ளனர்.
இவர்களுடன் சேர்ந்து கோகுல்நாத் பலரை மிரட்டி வந்துள்ளார். அடிக்கடி அவரது
தாத்தா குப்புராஜ் வீட்டிற்கு சென்றுமிரட்டியும் வந்துள்ளார்.

இதனால்
குப்புராஜின் நண்பர்கள் சிலரை பிடித்து இன்ஸ்பெக்டர்கள் லட்சுமணன்,
ராஜாரணவீரன், வெங்கடேசன், திருநீல கண்டன் ஆகியோர் விசாரித்தும்
வருகிறார்கள்.