பெண்களால் கடத்தப்பட்டதாக கூறப்பட்ட மாணவன் ஐகோர்ட்டில் ஆஜர்: மடத்தில் செக்ஸ் தொல்லை கொடுப்பதாக புகார்

சென்னை,

மயிலாடுத்துறையை
சேர்ந்தவர் அசோக்குமார். இவர் கடந்த ஆண்டு இறந்து விட்டார். இவரது மகன்
ஆனந்த கிருஷ்ணன். அப்பகுதியில் உள்ள ஒரு பள்ளியில் 9-ம் வகுப்பு படித்து
வந்தான். கடந்த 9-ந்தேதி திடீரென மாயமானான்.

இது
குறித்து இவனது தாய்லதா மயிலாடுத்துறை போலீசில் புகார் செய்தார். போலீசார்
வழக்குப்பதிவு செய்து விசாரணை நடத்தி வந்தனர். மாணவன் ஆனந்த கிருஷ்ணனை
உறவுக்கார பெண்களே சொத்து தகராறில் கடத்திச் சென்னையில் சிறை
வைத்துள்ளதாகவும் பரபரப்பு தகவல்கள் வெளியானது. மாணவன் ஆனந்த கிருஷ்ணன்
எங்கு இருக்கிறான். என்ன ஆனான் என்பது தெரியாமல் இருந்து வந்தது.

இந்த
நிலையில் மாணவன் கடத்தல் வழக்கில் திடீர் திருப்பம் ஏற்பட்டுள்ளது.
கடத்தல் புகாரில் சிக்கிய பெண்களில் ஒருவரான ஆனந்தி, மாணவன் ஆனந்த
கிருஷ்ணனுடன் ஐகோர்ட்டில் ஆஜரானார். ஆனந்த கிருஷ்ணனை நான் கடத்தவில்லை.
கே.கே. நகரில் உள்ள எனது வீட்டில் அவன் பாதுகாப்பாக இருக்கிறான் என்று
தெரிவித்தார்.

தருமபுரம்
ஆதீன மடத்தில் ஆனந்தகிருஷ்ணன் தங்கி இருந்தபோது அங்கு செக்ஸ் தொல்லைக்கு
ஆளானதா கவும் பரபரப்பான குற்றச்சாட்டை அவர் தெரிவித்துள்ளார். இது
தொடர்பாக ஆனந்தி ஐகோர்ட்டில் மனு ஒன்றையும் தாக்கல் செய்தார். அதில் கூறி
இருப்பதாவது:-

எனது
சகோதரர் அசோக்குமார், கடந்த ஆண்டு இறந்து விட்டார், அவரது மகன்
ஆனந்தகிருஷ்ணன் மயிலாடு துறை தருமபுரம் ஆதீனம் நடத்தும் குருஞானசம்பந்தர்
மிஷன் மெட்ரிக்குலேசன் பள்ளியில் 9-ம் வகுப்பு படித்து வருகிறான். ஆனந்த
கிருஷ்ணனை அவனது தாய்லதா, மடத்திலும் சேர்த்து விட்டார்.

அங்குள்ள
விடுதியில், தங்கியிருந்த அனந்தகிருஷ் ணனை, உறவினர்கள் சந்தித்தனர்.
அப்போது மடத்தில் உள்ள 2 மடாதிபதிகள் கால்களை அமுக்கி விட
வற்புறுத்துவதாகவும், மேலும் தம்பிரான் சுவாமி, செக்ஸ் தொல்லை கொடுத்து
வருவ தாகவும் ஆனந்தகிருஷ்ணன் தெரிவித்தான்.

இது
குறித்து வெளியே சொன்னால் அனந்தகிருஷ் ணனுக்கு போலீசார் தொல்லை
கொடுப்பார்கள் என்று அஞ்சுகிறோம். எனவே சிறுவன் ஆனந்தகிருஷ்ணனுக்கு
பாதுகாப்பு தர உத்தர விடவேண்டும்.

இவ்வாறு ஆனந்தி மனுவில் கூறியிருந்தார்.

மனுவை
விசாரித்த நீதிபதி தனபாலன், மனுதாரர் ஆனந்தியின் வீட்டில் தங்கியிருக்கும்
ஆனந்தகிருஷ்ணனுக்கு போலீசார் எந்த தொந்தரவும் கொடுக்க கூடாது. மனுதாரரின்
புகார் குறித்து மயிலாடுதுறை போலீசார் விசாரித்து ஐகோர்ட்டில் அறிக்கை
தாக்கல் செய்யவேண்டும் என்று தீர்ப்பு கூறினார். மேலும் வழக்கு விசாரணையை
அடுத்த வாரத்திற்கு தள்ளி வைத்தார்.