இந்தியாவில் ஒரே வாரத்தில் பன்றி காய்ச்சலுக்கு 84 பேர் பலி; சென்னையிலும் பரவுகிறது

புதுடெல்லி,


உலகம் முழுவதும் கடந்த ஆண்டு பன்றி காய்ச்சல் பரவி பெரும் உயிரிழப்பை ஏற்படுத்தியது. இதில்
உலகம் முழுவதும் 14 ஆயிரத்து 286 பேர் பலியானார்கள். இந்தியாவில் 1501
பேர் உயிர் இழந்தனர். தமிழ்நாட்டிலும் உயிரிழப்பு ஏற்பட்டது.

இந்தியாவில்
இந்த ஆண்டு மீண்டும் பன்றி காய்ச்சல் பரவி வருகிறது. மராட்டியம், கேரளம்,
கர்நாட கம், குஜராத் மாநிலங்களில் மோசமான பாதிப்பை ஏற்படுத்தி உள்ளது.

இந்த
ஆண்டு கடந்த மே மாதம் தான் முதன் முதலில் பன்றி காய்ச்சல் தாக்கியது.
அதில் இருந்து இதுவரை 1945 பேர் பலியாகி உள்ளனர். 37 ஆயிரத்து 385 பேரை
பன்றிக் காய்ச்சல் தாக்கி உள்ளது.

தற்போதைய
பருவமழை காலம் என்பதால் பன்றி காய்ச்சல் பரவும் வேகம் அதிகரித்து உள்ளது.
கடந்த ஒரு வாரத்தில் மட்டும் நாடு முழுவதும் 84 பேர் பலியாகி உள்ளனர்.
1155 பேரை புதிதாக நோய் தாக்கி உள்ளது.

மராட்டிய மாநிலத்தில் தான் அதிக பாதிப்பு ஏற்பட்டு உள்ளது. ஒரு வாரத்தில் அங்கு மட்டும் இறந்தவர்கள் எண்ணிக்கை 51.

டெல்லி,
கர்நாடகா மாநிலத்தில் தலா 7 பேரும், ஆந்திரா, குஜராத்தில் தலா 5 பேரும்
கேரளாவில் 4 பேரும், உத்தரபிரதேசத்தில் 2 பேரும், மத்திய பிரதேசம்,
பஞ்சாப், ராஜஸ்தான் மாநிலங்களில் தலா ஒருவரும் பலியாகி உள்ளனர்.

தமிழ்நாட்டிலும்
பன்றி காய்ச்சல் வேகமாக பரவி வருகிறது. கன்னியாகுமரி மாவட்டத்தில் ஏற்கனவே
பன்றி காய்ச்சல் தாக்கி 10 பேர் உயிர் இழந்து உள்ளனர். கோவை
மாவட்டத்திலும் பன்றி காய்ச்சல் பரவி உள்ளது.

இப்போது
சென்னையிலும் பன்றி காய்ச்சல் பரவி இருக்கிறது. கிண்டியில் உள்ள கிங்
இன்ஸ்டியூட் மருத்துவ ஆராய்ச்சி மையத்துக்கு தினமும் 20-ல் இருந்து 40
பேருடைய ரத்த மாதிரிகள் பன்றி காய்ச்சல் பரிசோதனைக்கு வருகின்றது. அதில் 7
பேரில் இருந்து 8 பேர் வரையிலும் பன்றி காய்ச்சல் தாக்கி இருப்பது
உறுதிப்படுத்தப்பட்டு வருகிறது.

அவர்களுக்கு
பல்வேறு ஆஸ்பத்திரிகளில் சிகிச்சை அளிக்கப்பட்டு வருகிறது. மேலும் நோய்
பரவாமல் தடுக்க நடவடிக்கைகள் எடுக்கப்பட்டு உள்ளன.

2-வது
தடவை பரவும் பன்றி காய்ச்சல் ஆபத்தானது. எனவே மக்கள் எச்சரிக்கையுடன்
இருக்க வேண்டும் என்று கிங் இன்ஸ்டி யூட் துணை இயக்குனர் குணசேகரன் கூறி
இருக்கிறார்.

இது
பற்றி மேலும் கூறிய அவர், கடந்த தடவை பரவியது பன்றி காய்ச்சல் வைரசை விட
2-வது தட வையாக இப்போது பரவும் வைரசுக்கு இயற்கையாகவே வீரியம் அதிகமாகி
விடும். எனவே இதில் பாதிப்பு தன்மை அதிகமாக இருக்கும். இதை
கட்டுப்படுத்துவது கடினமானது என்றார்.

பொது சுகாதாரத்துறை முன்னாள் இயக்குனர் இளங்கோ இது பற்றி கூறியதாவது:-

குழந்தைகள்,
முதியவர்கள், கர்ப்பிணி பெண்கள் ஆகியோரை பன்றி காய்ச்சல் தாக்க அதிக
வாய்ப்பு உள்ளது. அவர்களுக்கு நோய் எதிர்ப்பு சக்தி குறைவாக இருக்கும்.
எனவே அவர்களை எளிதாக தாக்கி விடும். எனவே முன் எச்சரிக்கையுடன் இருக்க
வேண்டும்.

பன்றி
காய்ச்சல் தாக்கி இருந்தாலும் அது சாதாரண வைரஸ் காய்ச்சல் என கருதி பலர்
உரிய சிகிச்சைக்கு செல்வது இல்லை. இதனால் பன்றி காய்ச்சல் தாக்கியவர்கள்
ஆஸ்பத்திரிக்கு செல்வதில் காலதாமதமாகி விடுகிறது.

எனவே சாதாரண காய்ச்சலாக இருந்தாலும் உடனடியாக உரிய பரிசோதனை செய்து கொள்வது நல்லது.

இவ்வாறு அவர் கூறினார்.

பன்றி
காய்ச்சலுக்கு இப்போது தடுப்பு மருந்துகள் வந்து விட்டன. தமிழ் நாட்டுக்கு
மத்திய அரசு 50 ஆயிரம் “டோஸ்” மருந்துகள் வழங்கி உள்ளது. அவை பன்றி
காய்ச்சலுக்கு சிகிச்சை அளிக்கும் டாக்டர், நர்சு மற்றும் சுகாதார
ஊழியர்களுக்கு வழங்கப்பட்டுள்ளது.

இந்த
மருந்துகள் மருந்து கடைகளிலும் கிடைக்கின்றன. டாக்டர்கள் ஆலோசனை பெற்று
இவற்றை பயன்படுத்தி கொள்ளலாம். 2 வகை தடுப்பு மருந்துகள் மருந்து கடைகளில்
விற்பனை செய்யப்பட்டு வருகின்றன.







1
1