சுதந்திர தின கொண்டாட்டம்

**T.N.Balasubramanian** · **T.N.Balasubramanian** Sun Aug 15, 2010 4:32 am

சுதந்திர தின கொண்டாட்டம்,
முதியவர் நீங்கள், தலைமை தாங்கி ,
தலைவரை பற்றியும்,
அவர்தம் செய்த சேவை பற்றியும்
பேசவேண்டும்.--அழைப்பு வந்தது.

அவர் செய்த சேவைகள் பட்டியல் கவரில்.
கவரை பிரிக்கையில்,
சேவை என்ற தலைப்பில்,
தூர் வாரிய குளங்கள்,
மின்விளக்கு போட்ட தெருக்கள்,
பெண்கள் சுயநிதி குழுக்கள் ,
அபலை பெண்கள் முன்னேற்றம் என பலப்பல.
இணைக்கப் படாத இரு காந்திகள்,
இழிவாக எனைப் பார்த்திட ,
வெளியூர் போகவேண்டும், என மன்னிப்பு கோரி.
கவரை திருப்பிவிட்டேன்.

மணல் கொள்ளையில் சுருட்டியது,
மின்சார விளக்கு போட்டதில், அவர்
சம்சாரம் பெற்ற பங்கு,
வயிற்று பிழைப்பு என அவரிடம் வந்தவர்,
வாயும் வயிறுமாக சென்ற மகளீர்
சுய நிதி குழுக்கள் மூலம்,
அவர் நிதி உயர்ந்த விதம்,
இன்னும் இது போன்ற இவர் விஷயம் ,
மின்னுவதும் என்னால் தானே
இணையதளத்தில்.

அறியாததால் ,நான் பிழைத்தேன்.
அறிந்திருந்தால், அழைப்பா வந்திருக்கும்?
ஆட்டோ அன்றோ வந்திருக்கும்.!

megastar · megastar Sun Aug 15, 2010 10:14 am

தலைவரை பற்றிப் பேசக்கூட சுதந்திரமில்லை, கவரைப்பர்த்துதான் பேசவேண்டிய நிலை, நல்லது செய்தீர்கள் ஐயா! நெஞ்சிற்கு மேலே தேசிய கொடி ஆனால், உள்ளேயோ, கோடி பற்றிய கனவு, எப்படி இதிலும் காசுபார்க்கலாம் என்று, இதுதான் இன்றைய அரசியலின் நிலைமை. உண்மையான சுதந்திரம் இன்னும் வரவில்லை.