கர்ப்ப காலத்தில் இரும்புச் சத்து வேண்டுமா?

கர்ப்ப காலத்தில், பெண்களின் உடலில், இரத்தம் சாதாரண அளவை விட 50 சதவீதம் அதிகமாக இருக்க வேண்டும். அதற்கேற்ப, ஹீமோகுளோபினுக்கு, இரும்பு சத்து தேவைப்படுகிறது. உங்களுக்கும், கர்ப்பப் பையில் இருக்கும் உங்கள் குழந்தையின் வளர்ச்சிக்கும் இரும்பு சத்து மிகவும் அவசியம்.


பெரும்பாலான கர்ப்பிணி பெண்கள், கர்ப்ப காலத்தில், இரும்பு சத்து அதிகம் தேவை என்பதை அறிவதில்லை. குறிப்பாக, இரண்டாவது, மூன்றாவது மாதத்தில், தினசரி உண்ணும் உணவின் மூலம் மட்டும், இரும்பு சத்தை பெற முடிவதில்லை. சாதாரணமாக 9 மி.கி., இரும்பு சத்து தேவைப்பட்டால், கர்ப்ப காலத்தில் 27 மில்லி.கி., இரும்பு சத்து தேவைப்படுகிறது.


கர்ப்பிணி பெண்கள், தினசரி உணவில் 30 மி.கி., இரும்பு சத்துள்ள உணவு பொருட்களை உண்ண வேண்டும் என்று மருத்துவர்கள் கூறுகின்றனர். இறைச்சி, கோழி, மீன் முதலியவற்றில் உள்ள இரும்பு சத்து எளிதில் உடலுக்குள் உறிஞ்சப்படுகிறது. எனவே கர்ப்ப காலத்தில் அசைவம் உட்கொள்பவர்கள் இவற்றை உண்ணலாம்.




காபி, தேநீர், மதுபானம் போன்றவற்றை, உணவுக்கு இடையே அருந்துவதை நிறுத்த வேண்டும். இவற்றில் கார்பாலிக் அமிலம் உள்ளதால் இவை இரும்பு சத்து உறிஞ்சப்படுவதை தடுக்கும்.

போதுமான இரும்பு சத்து உடலில் இல்லாத போது, உடலின் சக்தி குறைந்து ஹீமோகுளோபின் அளவு குறையும். இதனால், ரத்த சோகை உருவாகி, குறை பிரசவமாகவோ அல்லது குறைந்த எடையுள்ள குழந்தையாகவோ பிறக்கிறது. கர்ப்ப காலத்தில் ரத்த சோகை இருந்தால், இரத்தம் செலுத்தப்பட வேண்டும். இல்லாவிட்டால் குழந்தை பிறக்கும் நேரத்தில் அதிக ரத்தம் வெளியேறுவதால், வேறு சில பிரச்னைகளை உருவாகும். கர்ப்பத்தில் இருக்கும் போதே, குழந்தைக்கு இரும்பு சத்து தேவைப்படுகிறது. எனவே கர்ப்ப காலத்தில், தாய்க்கு இரும்பு சத்து குறைபாடு இருந்தால் அது குழந்தையை பாதிக்கும்.

இரும்பு சத்து தேவை என்பதற்காக, அதிக அளவில் இரும்பு சத்து உள்ள உணவு பொருட்களையோ, மாத்திரைகளையோ உட்கொண்டால், அது வாயு மண்டலத்தை பாதித்து, மலச்சிக்கல், வாந்தி, குமட்டல், உடல்நலமின்மை, சில நேரம் வயிற்றுப் போக்கு கூட ஏற்படும். இரும்பு சத்துள்ள மாத்திரைகளை உட்கொள்ளும் போது, மலம் கருப்பாக வெளியேறும். இது குறித்து கவலைப்பட வேண்டாம்.


உடல் சோர்வு, சக்தி இன்மை, தலை சுற்றல், மயக்கம் முதலியவை அளவிற்கு அதிகமாக இருப்பின் அது ரத்த சோகையின் அறிகுறி. மருத்துவரின் ஆலோசனையின்றி மருந்து, மாத்திரைகளை உட்கொள்ள கூடாது. மருத்துவர் கூறும் அளவிற்கு அதிகமாகவும் உட்கொள்ள வேண்டாம். இரும்பு சத்து மாத்திரைகளை நீர், ஆரஞ்சு ஜூஸ் முதலியவற்றுடன் உண்ணலாம். பாலுடன் உண்பதை தவிர்க்கவும்.

தேவையான விசயம் ஒன்று பகிர்வுக்கு நன்றி அண்ணா