திருவள்ளூர் கலெக்டர் அலுவலகத்தில் 2000 விவசாயிகள் முற்றுகை;

நவீன் · நவீன் Thu Aug 12, 2010 7:01 pm

திருவள்ளூர் கலெக்டர் அலுவலகத்தில்

2000 விவசாயிகள் முற்றுகை;

போலீஸ் தடியடி-பதட்டம்

விமான நிலையத்துக்கு நிலம்

கையகப்படுத்த எதிர்ப்பு

திருவள்ளூர்,

ஸ்ரீபெரும்புதூர்
அருகே பிரமாண்டமான விமான நிலையம் அமைக்க மத்திய அரசு திட்டமிட்டுள்ளது.
இதற்காக நிலம் கையகப்படுத்தும் பணி நடந்து வருகிறது. இதற்கு கடம்பத்தூர்,
திருவள்ளூர் பகுதி விவசாயிகள் கடும் எதிர்ப்பு தெரிவித்து வருகிறார்கள்.இந்நிலையில்
அப்பகுதி விவசாயிகள் சுமார் 2 ஆயிரம் பேர் இன்று திருவள்ளூர் கலெக்டர்
அலுவலகத்திற்கு திரண்டு வந்தனர். பின்னர் விமான நிலையத்திற்கு நிலம்
கையகப்படுத்தக்கூடாது என்று கோஷம் போட்டனர். இதனால் அங்கு பரபரப்பு
ஏற்பட்டது.

சிறிது
நேரத்தில் அவர்கள் திடீரென கலெக்டர் அலுவலகத்தை முற்றுகையிட்டனர். பின்னர்
கலெக்டரிடம் இது தொடர்பாக மனு அளிக்க முயன்றனர். இதற்கு போலீஸ் அனுமதி
அளிக்க மறுத்தது.

இந்த
தடையை மீறி விவசாயிகள் மனு கொடுக்க முயன்றதால் போலீசாருக்கும்
விவசாயிகளுக்கும் வாக்கு வாதம் ஏற்பட்டது. நேரம் ஆக ஆக கலெக்டர்
அலுவலகத்திற்கு விவசாயிகள் கூட்டம் கூட்டமாக வந்ததால் போலீசார் அவர்கள்
மீது தடியடி நடத்தினர்.

இதனால் விவசாயிகள் அங்கிருந்து ஓட்டம் பிடித்தனர். அங்கு பதட்டம் நிலவுவதால் ஏராளமான போலீசார் குவிக்கப்பட்டனர்.

தடியடி நடந்தபோது வக்கீல் ஒருவர் காயம் அடைந்தார். இதனால் அங்கு
100-க்கும் மேற்பட்ட வக்கீல்கள் போலீசை கண்டித்து ஆர்ப்பாட்டம் செய்தனர்.
தகவல் அறிந்ததும் பூவை ஜெகன்மூர்த்தி எம்.எல்.ஏ. அங்கு சென்று போலீஸ்
அதிகாரிகளுடன் சமரச பேச்சுவார்த்தை நடத்தினார்.

திருவள்ளூர்
கலெக்டர் அலுவலகத்தில் அத்துமீறி நுழைய முயன்றதாக 250-க் கும் மேற்பட்ட
விவசாயிகள் கைது செய்யப்பட்டனர். இச்சம்பவத்தால் திருவள்ளூரில் இன்று
பெரும் பரபரப்பு ஏற்பட்டது.

திருவள்ளூர் கலெக்டர் அலுவலகத்தில் 2000 விவசாயிகள் முற்றுகை;

திருவள்ளூர் கலெக்டர் அலுவலகத்தில் 2000 விவசாயிகள் முற்றுகை;

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக