முதல் டயலாக்கே கெட்டவார்த்தை! பெண் இயக்குனரின் அதிரடி!

யக்கோவ்....'
வடசென்னை வார்த்தைதான் இது. படப்பிடிப்பில் ஒரு இயக்குனர், அதுவும் ஒரு
பெண் இயக்குனர் அப்படத்தில் நடிக்கும் நடிகைகளை இப்படி அழைத்தால்
எப்படியிருக்கும்? சுதா கே.பிரசாத் இயக்கும் துரோகி படத்தில்தான் இப்படி
ஒரு கரைச்சல்! ஸ்ரீகாந்த், விஷ்ணு, பூர்ணா, பூனம்பாஜ்வா, பூஜா (அட...
மூணும் பூ) நடிக்கும் இப்படத்தின் பாடல் வெளியீட்டு விழா
பத்திரிகையாளர்கள் முன்னிலையில் நடந்தது. வார்த்தைக்கு வார்த்தை
'கைதட்டலையே காணுமே' என்று அலுத்துக் கொண்ட தொகுப்பாளர் மமதி சாரியை
பார்க்கவே பாவமாக இருந்தது. (கைதட்ட இதென்ன ரசிகர் கூட்டமா தாயி?)

தவிர்க்க
முடியாத காரணத்தால் ஸ்ரீகாந்த், பூஜா இருவரும் வரவில்லை. விஷ்ணுவின்
பேச்சில் அத்தனையையும் கொட்டிவிட வேண்டும் என்ற வேகம் இருந்தது. சரியாக 14
நிமிஷம் 12 வினாடிகள் பேசியதாக நினைவு. எனக்கு இப்படத்தின் தயாரிப்பாளர்
மனோ அக்கினேனியை இருபது வருஷமா தெரியும். வெண்ணிலா கபடிக்குழு வந்ததும்
நாம ஒரு படம் பண்ணலாம்னு சொன்னாங்க. நானும் சரின்னு சொன்னேன். மறுநாளே
பைண்ட் செய்யப்பட்ட ஸ்கிரிப்டை அனுப்பி வச்சிருந்தாங்க. பெண்
இயக்குனர்தானே, ஸ்கிரிப்ட் எப்படி இருக்குமோன்னு படிக்க ஆரம்பிச்சேன்.
முதல் வார்த்தையே சரியான கெட்ட வார்த்தை. பயங்கர அதிர்ச்சி எனக்கு. இப்படி
படம் முழுக்க ஏராளமான கெட்ட வார்த்தைகள். ஸ்கிரிப்ட் செம சூடாகவும்
அதிரடியாகவும் இருந்தது ஆச்சர்யம். மூணே மணி நேரத்தில் படிச்சுட்டு நான்
இந்த படத்துல நடிக்கிறேன்னு சொன்னேன்.

டைரக்டர்
சுதா நேர்ல பார்க்கறதுக்குதான் இத்தனை அடக்கம். ஷ§ட்டிங்ல மைக்கை
புடிச்சாங்கன்னா நாங்கள்ளாம் ஆடிப்போயி நிப்போம். அதுவும் ஷ§ட்டிங்
இருக்கிற ஒவ்வொரு நாளும் சாயங்காலம் ஐந்து மணியிலேர்ந்து ஆறு மணிவரைக்கும்
எங்களுக்கு ராவு காலம்தான். ஏன்னா அன்றைய படப்பிடிப்பு முடியப்போற
நேரமாச்சா. வறுத்து எடுத்துடுவாங்க. இருபது படத்துல நடிச்சிருக்கிற
ஸ்ரீகாந்த், ஒரே படம் மட்டும்தான் நடிச்சிருக்கிற என்னோட சரிக்கு சமமா
நடிச்சதும், எனக்கு நிறைய சொல்லிக் கொடுத்ததும் என்னால மறக்கவே முடியாது
என்றார் விஷ்ணு.

சென்னையில்
எனக்கு ஒரு அண்ணன் இருக்காரு. அவருதான் விஷ்ணு என்றார் பூர்ணா. (இப்படி
பீச புடுங்கிட்டீங்களே...) டைரக்டர் சுதா பற்றி விஷ்ணு சொன்னதை விடவும்
பலமாக இருந்தது பூர்ணாவின் வர்ணனை. நான் இந்த படத்துல நடிக்கிறேன்னு கமிட்
பண்ணிய பிறகு அமெரிக்கா போக வேண்டிய வேலை. திரும்பி வர இருபது நாள் ஆகும்.
போறதுக்கு இரண்டு நாட்கள் முன்னாடி வீட்டுக்கு ஒரு பார்சல் வந்தது.
பிரிச்சு பார்த்தா உள்ளே ஒரு டிவிடி. சுதா மேடம்தான் பேசியிருந்தாங்க.
பிளைட்ல போற நேரத்தில இந்த டிவிடியை போட்டு டயலாக் எப்படி பேசுறதுன்னு
கத்துக்கணுமாம். அப்படியே அவங்க நடிச்சு காட்டியிருந்தாங்க அந்த
டிவிடியில் என்றார் தனது கண்களை அகல அகல விரித்தபடி.
சாம்பார்
கரண்டி பிடிக்கிற மாதிரியேதான் இருந்தன இதுவரை பெண்கள் இயக்கிய படங்கள்.
ஆனால் இந்த படத்தின் ட்ரெய்லரும், பாடல் காட்சிகளும் வேறு மாதிரி டைப்.
பெண் இயக்குனர் ஒருவர் இயக்குகிற முதல் ஆக்ஷன் படம் என்று முகத்தில்
அறைந்து சொல்கிறது ஒவ்வொரு பிரேமும்! மணிரத்னத்திடம் தொழில் கற்றுக்
கொண்டவராம் இந்த இயக்குனர். வாம்மா மின்னலு...
நன்றி ; use தமிழ்

செம கூத்துப் போங்க......