சொந்த ஊர்!

சரவணன் · சரவணன் Wed Aug 11, 2010 1:00 pm

வயல்வெளி பார்த்து
வறட்டி தட்டி
ஓணாண் பிடித்து
ஓடையில் குளித்து
எதிர்வீட்டில் விளையாடி
எப்படியோ படித்த நான்
ஏறிவந்தேன் நகரத்துக்கு !

சிறு அறையில் குறுகிப் படுத்து
சில மாதம் போர்தொடுத்து
வாங்கிவிட்ட வேலையோடு
வாழுகிறேன் கணிப்பொறியோடு !

சிறிதாய்த் தூங்கி
கனவு தொலைத்து
காலை உணவு மறந்து
நெரிசலில் சிக்கி
கடமை அழைக்க
காற்றோடு செல்கிறேன்
காசு பார்க்க !

மனசு தொட்டு
வாழும் வாழ்க்கை
மாறிப் போகுமோ ?

மௌசு தொட்டு
வாழும் வாழ்க்கை
பழகிப் போகுமோ ?

வால்பேப்பர் மாற்றியே
வாழ்க்கை
தொலைந்து போகுமோ ?

சொந்த பந்த
உறவுகளெல்லாம்
ஷிப் பைலாய்
சுருங்கிப் போகுமோ?

வாழ்க்கை
தொலைந்து போகுமோ
மொத்தமும்!
புரியாது
புலம்புகிறேன்
நித்தமும்!

தாய் மடியில் தலைவைத்து
நிலவு முகம் நான் ரசித்து
கதைகள் பேசி
கவலைகள் மறந்த காலம்
இனிதான் வருமா ?

இதயம் நனைத்த
இந்த வாழ்வு
இளைய தலைமுறைக்காவது
இனி கிடைக்குமா ?

சொந்த மண்ணில்
சொந்தங்களோடு
சோறு திண்பவன்
யாரடா ?
இருந்தால் அவனே
சொர்க்கம் கண்டவனடா!

- மின்னஞ்சலில் வந்தது

ரபீக் · ரபீக் Wed Aug 11, 2010 1:02 pm

சூப்பர் பிச்ச ,,,,, மகிழ்ச்சி

Jotheshree · Jotheshree Wed Aug 11, 2010 1:04 pm

அருமையான கவிதை சொந்த மண்ணின் ஏக்கம் நிறைந்த கவிதை..... பிச்ச அண்ணா

Halfmoon · Halfmoon Wed Aug 11, 2010 1:17 pm

**பிளேடு பக்கிரி** · 01/03/2010

**Manik** · **Manik** Wed Aug 11, 2010 1:20 pm

மின்னஞ்சலில் வந்தது மிக அருமையாக உள்ளது பிச்ச

அன்பு தளபதி · அன்பு தளபதி Wed Aug 11, 2010 1:23 pm

நல்ல கவிதை அதற்குள் ஒரு விதை

அப்புகுட்டி · அப்புகுட்டி Wed Aug 11, 2010 4:21 pm

சொந்த மண்ணின் ஏக்கம் நிறைந்த கவிதை..... பிச்ச சார் சூப்பர் நன்றிப்பா பகிர்வுக்கு.

**சிவா** · **சிவா** Tue Sep 14, 2010 8:55 pm

மிகச் சிறந்த கவிதை! ஆனால் எழுதியவர் யார் என்பது எங்கு தேடியும் கிடைக்கவில்லை!

எழுதியவருக்கு என் மனமார்ந்த வாழ்த்துகள்! இங்கு பதிந்த சராவுக்கும் வாழ்த்துகள்!

Sponsored content · Sponsored content

சொந்த ஊர்!

சொந்த ஊர்!

Re: சொந்த ஊர்!

Re: சொந்த ஊர்!

Re: சொந்த ஊர்!

Re: சொந்த ஊர்!

Re: சொந்த ஊர்!

Re: சொந்த ஊர்!

Re: சொந்த ஊர்!

Re: சொந்த ஊர்!

Re: சொந்த ஊர்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக