சுடுகாடு ‘பார்’ஆனது

நவீன் · நவீன் Wed Aug 11, 2010 11:22 am

தாம்பரம் :

அனகாபுத்தூர் சுடுகாட்டில் முறையான பராமரிப்பு இல்லாததால்,
சமூக விரோதிகள் சிலர் சமாதி மீது அமர்ந்து மது குடித்துவிட்டு, கழிவுகளை
வீசிச் செல்கிறார்கள்.
அனகாபுத்தூர் நகராட்சியில் மொத்தம் 18 வார்டுகள்
உள்ளன. இங்கு, 50,000க்கும் மேற்பட்ட பொதுமக்கள் வசிக்கிறார்கள். இங்கு,
அடையாறு ஆறு அருகிலும், திருநீர்மலை சாலையிலும் 2 சுடுகாடுகள் உள்ளன.
இவற்றை நகராட்சி நிர்வாகம் பாராமரிக்கிறது. அடையாறு ஆறு பகுதியில் உள்ள
சுடுகாடு 2 ஏக்கர் 60 சென்ட் பரப்பளவிலும், திருநீர்மலை சாலையில் உள்ள
சுடுகாடு 3 ஏக்கர் பரப்பளவிலும் அமைந்துள்ளது.

இதில், அடையாறு ஆறு
பகுதியில் உள்ள சுடுகாடு சிறப்பாக பாரமரிக்கப்பட்டு வருகிறது. ஆனால்
திருநீர்மலை பகுதியில் உள்ள சுடுகாடு புதர் மண்டிக் கிடக்கிறது. இங்கு,
சமூக விரோத செயல்கள் நடக்கின்றன. சிலர் குடித்து மதுபாட்டில்கள் மற்றும்
கழிவுகளை போடுகின்றனர். சிலர் சுடுகாட்டை திறந்த வெளி கழிவறையாக
மாற்றுகின்றனர். சமதியின் மீது அமர்ந்து மது அருந்துவது, சீட்டு
விளையாடுவது போன்ற செயல்களில் ஈடுபடுகிறார்கள். சுற்றுச்சுவர் இடிந்து
கிடக்கிறது. புதர் மண்டி கிடப்பதால் பல சமாதிகள் மறைந்து விட்டன. இதனால்,
அஞ்சலி செலுத்த வருபவர்கள் உறவினரின் சமாதியை தேடி அலையும் நிலை உள்ளது.
இது தொடர்பாக, நகராட்சியிடம் பலமுறை கோரிக்கை விடுத்தும் எந்த
நடவடிக்கையும் எடுக்கப்படவில்லை என பொதுமக்கள் கூறுகின்றனர்.

க்ஷீ
3 லட்சம் மதிப்பில் சுடுகாடுக்கு சுற்றி சுற்றுசுவர் அமைக்க முடிவு
செய்யப்பட்டு பணி இன்னும் தொடங்கப்படாமல் உள்ளது. எனவே, உயர் அதிகாரிகள்
தலையிட்டு நடவடிக்கை எடுக்க வேண்டுமென பொதுமக்கள் கோரிக்கை விடுத்துள்ளனர்

ரபீக் · ரபீக் Wed Aug 11, 2010 11:26 am

குடிச்சு கடைசியில அங்கதானே போகணும் ,அதுக்குத்தான் பயிற்சி எடுக்குறாங்க போல

சுடுகாடு ‘பார்’ஆனது

சுடுகாடு ‘பார்’ஆனது

Re: சுடுகாடு ‘பார்’ஆனது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக