மர்ம காய்ச்சலை கட்டுப்படுத்த கோரி நாகர்கோவிலில் நாளை அதிமுக ஆர்ப்பாட்டம்!

நவீன் · நவீன் Wed Aug 11, 2010 11:16 am

அதிமுக பொதுச்செயலாளர் ஜெயலலிதா நேற்று வெளியிட்ட அறிக்கை: கன்னியாகுமரி
மாவட்ட மக்கள் மர்மக் காய்ச்சலால் பாதிக்கப்பட்டுள்ளனர். அவர்கள் எந்த
நோய்க்கு ஆளாக்கப்பட்டிருக்கிறார்கள் என்பதை கண்டறியக்கூட முடியாத
நிலையில் மருத்துவமனைகள் இயங்குகின்றன. அதற்கான பரிசோதனைக் கூட வசதிகள்
அரசு மற்றும் தனியார் மருத்துவமனைகளில் இல்லாத சூழ்நிலை நிலவுகிறது.
இதனால், பாதிக்கப்பட்ட மக்களின் ரத்த மாதிரிகளை சென்னைக்கு அனுப்பி 20
நாட்கள் வரை நோயாளிகள் காத்திருக்க வேண்டிய அவலநிலை உள்ளது. தகுந்த
சிகிச்சை இல்லாததால், மார்க்சிஸ்ட் கட்சியைச் சேர்ந்த லீமாரோஸ் எம்.எல்.ஏ,
திருவனந்தபுரம் மருத்துவமனையில்சேர்க்கப்பட்டு சிகிச்சை பெற்று வருகிறார்.
எந்த நோய்க்கும் சிகிச்சை அளிக்க முடியாத அவலநிலைதான், கன்னியாகுமரி
மாவட்ட மருத்துவக் கல்லூரி மருத்துவமனையில் உள்ளது. புற்றுநோய்க்கான
சிறப்பு சிகிச்சை பிரிவு, சிறுநீரக பிரிவு, இதய பிரிவு போன்ற சிகிச்சை
பிரிவுகள் இல்லாமல், திருவனந்தபுரம் மருத்துவக் கல்லூரி மருத்துவமனையை
நாடவேண்டிய துர்ப்பாக்கிய நிலைக்கு மக்கள் தள்ளப்பட்டுள்ளனர். எனவே,
மர்மக் காய்ச்சல் பரவுவதை தடுக்கக் கோரியும், மருத்துவமனை, மருத்துவக்
கல்லூரிகளை உடனடியாக சீரமைக்கக் கோரியும், குமரி மாவட்ட அதிமுக சார்பில்
12ம் தேதி காலை 10 மணிக்கு நாகர்கோவில் கோட்டாரில் உள்ள அரசு ஆயுர்வேத
மருத்துவக் கல்லூரி அருகில் ஆர்ப்பாட்டம் நடக்கிறது. அமைப்புச் செயலாளர்
தளவாய்சுந்தரம் தலைமை வகிக்கிறார். இவ்வாறு ஜெயலலிதா கூறியுள்ளார்

மர்ம காய்ச்சலை கட்டுப்படுத்த கோரி நாகர்கோவிலில் நாளை அதிமுக ஆர்ப்பாட்டம்!

மர்ம காய்ச்சலை கட்டுப்படுத்த கோரி நாகர்கோவிலில் நாளை அதிமுக ஆர்ப்பாட்டம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக