கனரக வாகன ஓட்டுனர் உரிமங்களை புதுப்பிக்க அரசு நிபந்தனையால் தாமதம்

நவீன் · நவீன் Wed Aug 11, 2010 8:29 am

ஸ்ரீவில்லிபுத்தூர்:

கனரக வாகன ஓட்டுனர் உரிமங்களை புதுப்பிக்க தமிழக
அரசின் போக்குவரத்து நிறுவன பயிற்சி மையங்களில் டிரைவர்கள் புத்தாக்க
பயிற்சி பெற்றிருக்க வேண்டுமென அரசு நிபந்தனை விதித்துள்ளது.
கனரக வாகன
ஓட்டுனர்கள் மூன்று ஆண்டுகளுக்கு ஒரு முறை தங்களது டிரைவிங் லைசென்சை
புதுப்பிக்க வேண்டும். இதற்கு வட்டார போக்குவரத்து அலுவலகத்தில் 300
ரூபாய் கட்டணம் செலுத்தி, பொது மருத்துவர், கண்பார்வை தகுதி சான்றிதழ்,
இருப்பிட சான்றிதழ், மேலும் அரசால் அங்கீகரிக்கப்பட்ட ஓட்டுனர் பயிற்சி
பள்ளியில் ஒரு நாள் புத்தாக்க பயிற்சி பெற்ற சான்றிதழும் இணைத்து
விண்ணப்பித்து லைசென்ஸை புதுப்பித்து கொள்ள வேண்டும். இந்நிலையில் தமிழக
அரசு தனியார் ஓட்டுனர் பயிற்சி பள்ளிகளில் கனரக வாகன ஓட்டுனர்கள்
புத்தாக்க பயிற்சி பெறுவதற்கு தடை விதித்துள்ளது. இதன்படி இவ் ஓட்டுனர்கள்
மாவட்ட தலை நகரங்களிலுள்ள தமிழக அரசின் போக்குவரத்து நிறுவன பயிற்சி
மையங்களில் 250 ரூபாய் கட்டணம் செலுத்தி புத்தாக்க பயிற்சி பெற வேண்டுமென
உத்தரவிட்டது. இதன் படி கனரக வாகன ஓட்டுனர்கள் அந்தந்த பகுதி தனியார்
ஓட்டுனர் பயிற்சி பள்ளிகளில் புத்தாக்க பயிற்சி பெறாமல் மாவட்ட
தலைநகரங்களில் உள்ள தமிழக அரசின் போக்குவரத்து நிறுவன பயிற்சி மையங்களில்
மட்டுமே இப்பயிற்சியை பெற வேண்டிய கட்டாயம் ஏற்பட்டுள்ளது. அரசின் இந்த
உத்தரவால் மாவட்டத்திலுள்ள அனைத்து கனரக ஓட்டுனர்களும் ஒரே மையத்திற்கு
செல்லும் போது மணிக்கணக்கில் காத்து கிடக்க வேண்டியது ஏற்படும். இதனால்
வருமான இழப்பும், கால விரையமும் ஏற்பட வாய்ப்புள்ளது.

கனரக வாகன ஓட்டுனர் உரிமங்களை புதுப்பிக்க அரசு நிபந்தனையால் தாமதம்

கனரக வாகன ஓட்டுனர் உரிமங்களை புதுப்பிக்க அரசு நிபந்தனையால் தாமதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக