அன்புள்ள மஞ்சு அக்காவுக்கு…

srinihasan · srinihasan Tue 10 Aug 2010 - 23:25

First topic message reminder :

நான்,
மாரியை எதிர்பார்த்து
பெய்யாமல் போக
தடுமாறி போகும்
உழவனாய் இல்லாமல்…

கண்களை மூடி
இமைகளை திறக்க
காண கிடைக்காத
ஒன்றை கண்டவனாய்…
நீங்கள் என்னை - தொலைத்தொடர்பில்
அழைத்த சமயம்.

என்னுடன் பேசியது
எல்லையற்ற வானமாய்!
பேசிய வார்த்தைகள்
கொட்டும் அருவியாய்!!
வார்த்தைகள் பேசியவிதம்
ரசிக்கும் கடலாய்!!!

நான் பேசியதோ
வானத்தில் மின்னும்
நட்சத்திரமாய் அல்லாது
மிதக்கும் காற்றாய்

பேசிய வார்த்தைகளோ
அருவியை சுரக்கும்
மலையாய் அல்லாது
சுமக்கும் நிலமாய்

பேசிய விதமோ
கடலில் கலக்கும்
மழையாய் அல்லாது
கரைந்த உப்பாய்…

**சிவா** · **சிவா** Thu 12 Aug 2010 - 16:37

அன்பு அக்காவின் அழைப்பில் அகமகிழ்ந்து எழுதிய கவிதை அருமை! எழுதிய வாசனுக்கும், அக்காவிற்கும் வாழ்த்துகள்! இன்றுபோல் நம் உறவுகளின் அன்புக்கோடுகள் எல்லையின்றி காலம் முழுதும் நீள வாழ்த்துகிறேன்!

மஞ்சுபாஷிணி · மஞ்சுபாஷிணி Thu 12 Aug 2010 - 17:54

சிவா wrote:அன்பு அக்காவின் அழைப்பில் அகமகிழ்ந்து எழுதிய கவிதை அருமை! எழுதிய வாசனுக்கும், அக்காவிற்கும் வாழ்த்துகள்! இன்றுபோல் நம் உறவுகளின் அன்புக்கோடுகள் எல்லையின்றி காலம் முழுதும் நீள வாழ்த்துகிறேன்!

இப்படி நல்ல அன்பு உள்ளங்களை தந்த ஈகரைக்கும் ஈகரையை உருவாக்கிய சிவாவுக்கும் என் அன்பு நன்றிகள்பா...