தமிழன் என்று சொல்லடா! தலை நிமிர்ந்து நில்லடா !

ரொனால்ட் லேமேனீர் என்ற அமெரிக்க நபர் இருதய நோயால் பாதிக்கப்பட்டு இருந்தார். அவருடைய இதயம் இயக்கம் 20 சதவீதம் தான் இருந்தது. இதற்காக மாற்று இதய சிகிச்சைக்காக ஒருவருடம் காத்திருக்க வேண்டும் என அமெரிக்க மருத்துவர்கள் சொல்லிவிட்டனர். இதனால், அவர் இந்த சிகிச்சைக்காக வலைதளங்களில் தேடிய போது, இந்தியாவில், அதுவும் சென்னை அப்பலோ மருத்துவமனையில் இதற்க்கான சிகிச்சை உள்ளது என கண்டறிந்தார். உடனே தொடர்பு கொண்டு மேற்கொண்டு சிகிச்சைக்காக சென்னை புறப்பட்டார். ஆனால், அவருடைய அமெரிக்க மருத்துவர்கள் அவரை எச்சரித்தனர். எங்களால் முடியாததையா அங்கு அவர்கள் செய்யப்போகிறார்கள். நீங்கள் திரும்பி வரும் போது, சவபெட்டியில் தான் வரவேண்டியிருக்கும் என்று பயமுறுத்தினார்கள். ஆனால், அதை பொருட்படுத்தாத ரொனால்ட் தன் மனைவியுடன் அப்போலோ சென்னைக்கு வந்துவிட்டார். அங்கு அவருக்கு, அறுவை சிகிச்சை நிபுணர் மருத்துவர். பால் ரமேஷ் வெற்றிகரமாக மாற்று அறுவைசிகிச்சை செய்து அவரை பிழைக்க வைத்துவிட்டார். இதில் என்ன கஷ்டம் என்றால் நோயாளிக்கு 65 வயது. இந்த வயதில் இப்படிப்பட்ட மாற்று இதயம் செய்வது அரிது. இப்போது அவருடைய இதயம் 60 சதவீதம் வேலை செய்கிறது, முன்பை விட 15 வயது குறைந்தவரைப்போல் தன் கணவர் இருப்பதாக அவர் மனைவி சொல்கிறார். அமெரிக்காவில் சென்று இத்தகைய நுண்ணிய அறுவைசிகிச்சை செய்யும் காலம் போய் அமெரிக்கர்களே இங்கு வரச் செய்த தமிழரை எப்படி பாராட்டுவது.