சிக்கல் தீர்ந்தது :TNPSC அலுவலகம் இடிக்கப்படுகிறது

சென்னை
அண்ணாசாலையில் உள்ள ஓமந்தூரார் அரசினர் தோட்டத்தில் புதிய சட்டசபை மற்றும்
தலைமைச்செயலக வளாக பணிகள் கட்டும் பணிகள் நடைபெற்று வருகின்றன.



இதில் பிளாக் ஏ பகுதியில் சட்டமன்ற வளாகமும், பிளாக் பி பகுதியில் தலைமைச் செயலக வளாகமும் கட்டப்படுகின்றன.


பிளாக்
பி பகுதியில் மொத்தம் உள்ள 7 கட்டிடங்களில் 4 கட்டிடங்களை கட்டுவதற்கான
பணிகள்தான் தொடங்கப்பட்டாலும், தமிழ்நாடு அரசு பணியாளர் தேர்வாணையம்
(டி.என்.பி.எஸ்.சி.) இயங்கி வந்த கட்டிடம் காலி செய்து தரப்படாததால்,
மேலும் 3 கட்டிடங்களை கட்டுவதற்கான பணிகள் ஆரம்பிக்கப்படாமல் இருந்து
வந்தது

பொதுப்பணித்துறையின்
பகீரத பிரயத்தனம் காரணமாக டி.என்.பி.எஸ்.சி. அலுவலகம், சென்னை
நுங்கம்பாக்கத்துக்கு சில மாதங்களுக்கு முன்பு மாற்றப்பட்டது.

ஆனால், அரசினர் வளாகத்தில் உள்ள கட்டிடத்தில், டி.என்.பி.எஸ்.சி.யின் பல முக்கிய கோப்புகள் எடுத்துச்செல்லப்படாமல் இருந்தது.



இதுதொடர்பாக பலமுறை கேட்டுக்கொண்டும், அந்த அலுவலகம் காலி

செய்யப்படவில்லை.
அதற்கு, தங்களது கோப்புகளை வைப்பதற்கு இடம் கொடுத்தால் காலி செய்ய
முடியவில்லை என்று டி.என்.பி.எஸ்.சி. தரப்பில் சொல்லப்பட்டது.

இதைத்தொடர்ந்து,
அரசினர் வளாகத்திலேயே உள்ள ராஜாஜி ஹாலில் பொருட்களை வைத்துக்கொள்ள அனுமதி
அளிக்கப்பட்டது. அப்படியும், பொருட்கள் மாற்றப்படாமல் இருந்து வந்தது.

இதனால்
கட்டுமான பணி நடைபெறுவது தாமதமாகி வந்தது. இந்த நிலையில் கடந்த சில
நாட்களுக்கு முன்பு, அந்த அலுவலகத்தில் இருந்த பொருட்கள் ராஜாஜி ஹாலுக்கு
டி.என்.பி.எஸ்.சி அதிகாரிகள் மாற்றியுள்ளனர்.



இதைத்தொடர்ந்து,
தமிழக அரசு பணியாளர் நலன் மற்றும் நிர்வாக சீர்திருத்தத்துறை ஒரு உத்தரவை
வெளியிட்டுள்ளது. அதில், ஓமந்தூரார் அரசினர் தோட்டத்தில் உள்ள
டி.என்.பி.எஸ்.சி. கட்டிடத்தை இடித்துவிட்டு, புதிய தலைமைச்செயலக கட்டுமான
பணிகளை அங்கு மேற்கொள்ளலாம் என்று தெரிவிக்கப்பட்டுள்ளது. இதனால், பல
மாதங்களாக இருந்து வந்த இழுபறி நிலை தற்போது முடிவுக்கு வந்துள்ளது.



இதையடுத்து, பொதுப்பணித்துறையினர், டி.என்.பி.எஸ்.சி. கட்டிடத்தை இடிப்பதற்கான பணிகளில் வேகமாக இறங்கியுள்ளனர்