இலங்கையில் விதவைகளான 87 ஆயிரம் தமிழ்ப்பெண்கள்!

இலங்கை ராணுவத்தின் போர்நடவடிக்கையினால் அங்கு சுமார் எண்பதாயிரத்திற்கும் மேற்பட்ட ஆண்கள் கொல்லப்பட்டு அவர்களின் மனைவிகள் விதவைகளாக ஆக்கப்பட்டுள்ளார்கள். இலங்கை படையினரின் இன சுத்திகரிப்பு நடவடிக்கை காரணமாக கடந்த பல காலங்களாக இது போன்ற சம்பவங்கள் நடைப்பெற்று வருகின்றன. 1983 ஆண்டில் இனப்படுகொலையின் போதே தமிழ் இளைஞர்கள் பலர் சிங்களர்களால் கொல்லப்பட்டுள்ள நிலையில் தொடர்ந்து வந்த இந்திய அமைதிப்படையினரால் வடக்கு கிழக்கு மாவட்டங்களில் பெருமளவான தமிழ் இளைஞர்கள் அழிக்கப்பட்டு தமிழ்ப்பெண்கள் விதவைகள் ஆக்கப்பட்டுள்ளார்கள்.


அதற்கு பின் 1990ம் ஆண்டில் இருந்து சிங்களப்படையினர் நடத்திய வான்தாக்குதல்கள் மற்றும் ஏவுகணைத் தாக்குதல்கள் நிகழ்வுகளில் கணவனை இழந்த பெண்களும் துணைவிகளை இழந்த ஆண்களுமாக இந்த எண்ணிக்கை அதிகரிக்கத் தொடங்கியது. தற்போதும் பல ஆயிரக்கணாக்கான தமிழர்கள் சிறைச்சாலைகளில் தடுத்து வைக்கப்பட்டுள்ளார்கள். இவ்வாறன நிலையில் கணவன் இருந்தும் இல்லாத நிலையில் தமிழ் பெண்கள் வாழ்ந்து கொண்டிருக்கின்றார்கள்.


மேலும் திருகோணமலை, மட்டக்களப்பு, அம்பாறை மாவட்டங்களுக்கு பரவி பின்பு மன்னார் வவுனியா, கிளிநொச்சி, யாழ்ப்பாணம், முள்ளிவாய்கால் வரை பல தமிழ் இளைஞர்கள் குடும்பத்தலைவர்கள் படுகொலை செய்யப்பட்டு தமிழ்ப்பெண்கள் விதவைகள் ஆனார்கள் இதுவரை சிங்கள ராணுவத்தினரின் போர் நடவடிக்கையின் போது 87 ஆயிரம் குடும்பத்தலைவர்கள் கொல்லப்பட்டுள்ளது தெரியவந்துள்ளது.

இந்த சூழலில்தான் ஆண்களின் உதவிகள் இல்லாத நிலையில் இலங்கை ராணுவத்தினர் பெண்களை வன்னியில் எந்தவித அடிப்படைவசதிகளுமின்றி மீள்குடியேற்றம் என்றபெயரில் அவர்களை பூர்வீக இடங்களுக்கு அனுப்பி வருகின்றனர்..

நன்றி :இந்நேரம்