15,000 க்கும் அதிகமான மாணவர்கள் மரத்தின் கீழ்

நிசாந்தன் · நிசாந்தன் Tue Aug 10, 2010 10:13 am

இலங்கையில் போர் முடிந்து பல அபிவிருத்தித் திட்டங்கள் முன்னெடுக்கப்பட்டு வருகின்றபோதும், வடக்கு, கிழக்கில் 15 ஆயிரம் மாணவர்கள் மரத்தின் கீழ் கல்வி கற்கும் அவலநிலை இப்போதும் தொடர்ந்தே வருகிறது. மாணவர்கள் கல்வி கற்கும் பாடசாலைகளில் தற்போதும் இடம்பெயர்ந்த மக்கள் தங்கியிருப்பதல் மாணவர்களுக்கு இந்த அவலநிலை ஏற்பட்டுள்ளது. இவற்றைக் கணக்கிலெடுக்காத அரசாங்கம், இராணுவத்தளங்களுக்கு மில்லியன் கணக்கான பணத்தை செலவிடுவதாக கல்வித் திணைக்கள வட்டாரங்கள் விசனம் தெரிவித்துள்ளதாக "லக்பிம நியூஸ்" பத்திரிகை செய்தி வெளியிட்டுள்ளது. மேலும், வவுனியா,ஓமந்தை,கிளிநொச்சிப் பகுதிகளில் பெரும்பாலான பாடசாலைகள் தற்காலிக இடங்களில் வசதிகளின்றி இயங்குவதாகவும் கூறப்பட்டுள்ளது.

முகாம்களிலிருந்து தமது கிராமங்களுக்குத் திரும்பிச் செல்வோருக்கான இடைத்தங்கல் முகாமாக ஓமந்தை மகா வித்தியாலயம் பயன்படுத்தப்படுகிறது. யுத்தம் முடிவுக்கு வந்து ஒரு வருடமாகியும் இடம்பெயர்ந்தவர்களுக்கு புதிய இடங்களை அமைத்துக் கொடுக்கவோ அல்லது வேறொரு இடத்தில் பாடசாலைகளை நிர்மாணிக்கவோ அரசாங்கத்தினால் எந்தவொரு நடவடிக்கையும் எடுக்கப்படவில்லை என்று கல்வியமைச்சு அதிகாரி ஒருவர் கூறியுள்ளார்.

இதேவேளை, வடக்கு,கிழக்கில் ஆசிரியர்கள் பற்றாக்குறை அதிகளவில் இருப்பதாக இலங்கை ஆசிரியர் சேவைகள் சங்கத்தின் பொதுச் செயலாளர் மகிந்த ஜயசிங்க கூறியுள்ளார். இது கல்வித்துறையில் எதிர்மறையான தாக்கத்தை ஏற்படுத்தும். ஆங்கிலமொழிப் பாடத்துக்கு அதிகளவுக்கு ஆசிரியர் தட்டுப்பாடு காணப்படுகிறது. இளைப்பாறியவர்களை ஒப்பந்த அடிப்படையில் மீளப்பணிக்கமர்த்துவதிலேயே கல்வித்துறை அதிகாரிகள் தங்கியிருக்க வேண்டிய நிலைமை காணப்படுகிறது. கட்டிடங்களோ, குடிநீர், சுகாதார வசதிகளோ இந்த மாணவர்களுக்கு இல்லாமலிருப்பது மட்டுமன்றி, அவர்களுக்கு நூற்றுக்கணக்கான ஆசிரியர்கள் தேவைப்படுகின்றனர் என்றும் ஜயசிங்க கூறியுள்ளார்

15,000 க்கும் அதிகமான மாணவர்கள் மரத்தின் கீழ்

15,000 க்கும் அதிகமான மாணவர்கள் மரத்தின் கீழ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக