பல இடங்களில் கொள்ளையடித்த சகோதரர்கள் கைது

நவீன் · நவீன் Tue Aug 10, 2010 9:09 am

தஞ்சாவூர்:

தஞ்சை, திருவாரூர், சிவகங்கை உட்பட, 28 இடங்களில் கைவரிசையைக் காட்டிய
சகோதரர்கள் கைது செய்யப்பட்டுள்ளனர். கடந்த மார்ச் மாதம் பட்டுக்கோட்டை
நகரில் உள்ள தம்பா ஜுவல்லரி பூட்டு உடைத்து இரண்டு கிலோ வெள்ளி நகை,
மதுக்கூரில் ஸ்ரீரங்கா ஜுவல்லரியில் நான்கு கிலோ வெள்ளி, 30 சவரன் நகைகளை
மர்ம நபர்கள் கொள்ளையடித்து சென்றனர். இச்சம்பவம் தொடர்பாக வழக்கு பதிவு
செய்யப்பட்டு குற்றவாளிகளை பிடிக்க தனிப்படை அமைக்கப்பட்டது. நேற்று
முன்தினம் இரவு கீழக்குறிச்சி மெயின்ரோட்டில் போலீசார் வாகன தணிக்கையில்
ஈடுபட்டனர். அப்போது டூவீலரில் வந்தவர் போலீசாரை கண்டதும் தப்பி ஓட
முயற்சித்தார். அவரை போலீசார் சுற்றி வளைத்து பிடித்தனர். விசாரணையில்,
இவர் சிவகங்கை மாவட்டம், மானாமதுரை பிரமனூர் கிராமத்தைச் சேர்ந்த அழகு
மலையான் மகன் சங்கர் (என்ற) கோவிந்தராஜ் (30) என்பதும், அவர்
பட்டுக்கோட்டை தம்பா ஜுவல்லரி, மதுக்கூர் ஸ்ரீரெங்கா ஜுவல்லரி நகை கடை
மற்றும் மன்னார்குடி அசோக் மெடிக்கலில் ஒரு லட்சம் ரூபாய் பணம்,
காரைக்குடி, தஞ்சை, திருவாரூர், சிவகங்கை, புதுக்கோட்டை ஆகிய
மாவட்டங்களில் 28 இடங்களில் திருடியும், வழிப்பறியில் ஈடுபட்டதும்
தெரிந்தது. மதுக்கூர் போலீசார், கோவிந்தராஜை கைது செய்தனர். அவருக்கு
உடந்தையாக இருந்த அவரது அண்ணன் கண்ணன் (32) கைது செய்யப்பட்டார்.
கோவிந்தராஜிடம் இருந்து பட்டுக்கோட்டை, மதுக்கூரில் கொள்ளையடித்த 30 சவரன்
நகை, ஐந்தரை கிலோ வெள்ளி, இரண்டு டூ வீலர், பெட்டகங்களை உடைக்கப்
பயன்படுத்தப்படும் காஸ் கட்டர், அரிவாள் ஆகியவற்றை கைப்பற்றினர்.

பல இடங்களில் கொள்ளையடித்த சகோதரர்கள் கைது

பல இடங்களில் கொள்ளையடித்த சகோதரர்கள் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக