இவளை மான் என்பதா? தேன் என்பதா?

**kirikasan** · **kirikasan** Mon Aug 09, 2010 4:49 pm

First topic message reminder :

நீல விழிகொண்டு கண்டாள் - என்
நெஞ்சில் நெருப்பினைத் தந்தாள்
பாலமு தாய்இதழ் கொண்டாள் - ஒரு
பார்வை யிலே எனை வென்றாள்

ஏனிவள் பூமியில் வந்தாள் - என்
ஏழைமனம் கொய்து கொண்டாள்
தானினிப் பாளெந்தன் உள்ளம் - தனை
தத்தளிக்க மெல்லக் கொன்றாள்

தேனிவள் என்றிடில் வண்டால்- ஒரு
துன்பம் இழைந்திடு மன்றோ
மீனிவள் கண்களோ என்றால் - அது
மண்ணில் துடிப்பது நன்றோ

மானிவள் துள்ளலே என்றால்- அந்த
மாஅரி பாய்ந்திடு மன்றோ
வானில்நி லவுபோல் என்றால்- அவள்
வாழ்வுதொ லைவாகு மன்றோ

பூவெழில் கொண்டவள் என்றால் - பூ
மாலையில் வாடிடு மன்றோ
மாவின்சு வைகனி என்றால் - கிளி
மங்கையைத் தீண்டிடு மன்றோ

பஞ்சுடல் மென்னிளம் மேனி - எனில்
பஞ்சுப றந்திடு மன்றோ
நெஞ்சு தவிப்பதைக் கண்டால் - என்
நிம்மதி போயிடு மன்றோ

தெங்கென ஓடிவ ளர்ந்தாள் - பல
தீஞ்சுவை இன்பம் பகிர்வாள்
எங்கிருந்தோ இவள் வந்தாள் - எனை
எத்துணை பித்தனாய் செய்தாள்

மங்கி மறையும் பகலாய் - என்
மாபெரும் வன்மை கரைத்தாள்
செங்கனி தேடிடும் வண்டாய் - தனைச்
சுற்றிடச் செய்தாள் தகுமோ?

அப்புகுட்டி · அப்புகுட்டி Tue Aug 10, 2010 4:31 pm

தேனும் பாலும் கலந்தது போல் உள்ளது வாழ்த்துக்கள்.

Thanjaavooraan · Thanjaavooraan Mon Nov 15, 2010 4:05 pm

தேனிவள் என்றிடில் வண்டால்- ஒரு
துன்பம் இழைந்திடு மன்றோ
மீனிவள் கண்களோ என்றால் - அது
மண்ணில் துடிப்பது நன்றோ

கருத்து செறிவுமிக்க வரிகள் இவளை மான் என்பதா? தேன் என்பதா? - Page 2 677196

இவளை மான் என்பதா? தேன் என்பதா? - Page 2 677196

குடந்தை மணி · குடந்தை மணி Mon Nov 15, 2010 4:34 pm

அருமை - தேனாய் இனிக்கிறது.... தெவிட்டா இன்பம் பெண்ணின்பம்..

கார் குழலும்,
மான் விழியும்..
அருவி ஒலியாய் ...கால்தண்டை ஒலியும்..

காளையின் இதயத்தை களவாண்டு
செல்லும் கன்னி இவள்....

Sponsored content · Sponsored content

இவளை மான் என்பதா? தேன் என்பதா?

இவளை மான் என்பதா? தேன் என்பதா?

Re: இவளை மான் என்பதா? தேன் என்பதா?

Re: இவளை மான் என்பதா? தேன் என்பதா?

Re: இவளை மான் என்பதா? தேன் என்பதா?

Re: இவளை மான் என்பதா? தேன் என்பதா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக