மும்பை பாரத் மில் நிலம் ஸி1,505 கோடிக்கு ஏலம்

மும்பை :

தேசிய ஜவுளிக் கழகத்துக்கு (என்டிசி) சொந்தமான மூடப்பட்ட மும்பை பாரத் டெக்ஸ்டைல் மில்லின் 8.37 ஏக்கர் நிலம் ஆன்லைன் ஏலத்தில் ஸி1,505 கோடிக்கு விற்பனையானது. பழைய ஏலமுறையை மாற்றி ஆன்லைனில் நடத்த உத்தரவிட்ட மத்திய ஜவுளித் துறை அமைச்சர் தயாநிதி மாறனின் புதிய முயற்சியால் அரசுக்கு கூடுதல் வருவாய் கிடைத்துள்ளது.நலிவடைந்து மூடப்பட்ட என்டிசி மில்கள், அவற்றின் நிலங்கள் சமீப காலம் வரை பழைய ஏலத்தில் விடப்பட்டு வந்தன. இந்நிலையில், ஏல நடைமுறையை வெளிப்படையானதாகவும், தவறு நடக்காத வகையிலும் ஆன்லைனில் நடத்த மத்திய ஜவுளித் துறை அமைச்சர் தயாநிதி மாறன் சமீபத்தில் உத்தரவிட்டார். அதன்படி, மில் நிலத்தை விற்க ஆன்லைன் மூலம் ஏலம் விடும் திட்டத்தை கடந்த வாரம் அவர் தொடங்கி வைத்தார். கடந்த 4 நாட்கள் முன்பு மும்பையின் போடர் மில்லுக்கு சொந்தமான 2.39 ஏக்கர் நிலம் ஆன்லைனில் ஏலம் விடப்பட்டது. அதில் ஸி474 கோடி கிடைத்தது. மும்பையில் உள்ள மற்றொரு என்டிசி மில்லான பாரத் டெக்ஸ்டைல்ஸ் 8.37 ஏக்கர் நிலத்துக்கான ஆன்லைன் ஏலம் கடந்த 4ம் தேதி தொடங்கியது. அடிப்படை விலை ஸி750 கோடியாக அறிவிக்கப்பட்டது.ஏலம் தொடங்கிதும் டாடா, வீடியோகான், ஓபராய் டெவலப்பர்ஸ், லோதா குரூப், பரிமள்ஸ் உட்பட முன்னணி நிறுவனங்கள் விண்ணப்பித்தன. முதல் நாளே ஏலத் தொகை ஸி1,000 கோடியை தாண்டியது. மத்திய ஜவுளித் துறை அமைச்சர் தயாநிதி மாறன் உத்தரவுப்படி ஆன்லைனில் ஏலம் நடத்துவதால் பாரத் டெக்ஸ்டைல் மில் நிலம் ஸி1,500 கோடிக்கு மேல் விற்பனையாகும் என என்டிசி அதிகாரிகள் தெரிவித்திருந்தனர்.நேற்று மாலை வரை விண்ணப்பித்தவர்களில் லோதா குழுமம் ஸி1,503 கோடியும், இண்டியா புல்ஸ் ஸி1,505 கோடியும் விலையாக குறிப்பிட்டிருந்தன. அதிகபட்ச தொகை அடிப்படையில் இண்டியா புல்ஸ் அந்த இடத்தை பெற்றது. இதுகுறித்து என்டிசி தலைவர் கே.ராமச்சந்திரன் பிள்ளை கூறுகையில், ‘‘பாரத் மில் நிலத்துக்கு அடிப்படை விலையாக ஸி750 கோடி நிர்ணயிக்கப்பட்டது. இந்தியாபுல்ஸ் ஸி1,505 கோடி கேட்டு ஏலத்தில் வெற்றி பெற்றது. ஆன்லைன் மூலம் ஏலம் விடும் முறைதான் சிறந்தது என்பது மீண்டும் நிரூபிக்கப்பட்டுள்ளது. இதை மற்ற பொதுத்துறை நிறுவனங் களும் கவனத்தில் கொள்ள வேண்டும்’’ என்றார். பழைய ஏலமுறையை மாற்றி ஆன்லைனில் நடத்த உத்தரவிட்ட மத்திய ஜவுளித் துறை அமைச்சர் தயாநிதி மாறனின் புதிய முயற்சியால் அரசுக்கு கூடுதல் வருவாய் கிடைத்துள்ளது.