காஷ்மீர் பிரச்சனை குறித்து பேச்சு: சிதம்பரம் அழைப்பை நிராகரித்தார் கிலானி

நவீன் · நவீன் Sat Aug 07, 2010 5:12 pm

காஷ்மீர் பிரச்சனை
குறித்து பேச்சுவார்த்தை நடத்த வருமாறு மத்திய உள்துறை அமைச்சர்
ப.சிதம்பரம் விடுத்துள்ள அழைப்பை ஹூரியத் தலைவர் செய்யத் அலி கிலானி
நிராகரித்துள்ளார்.

காஷ்மீரில்
சமீப நாட்களாக நடந்த கலவரம் மற்றும் உயிரிழப்புகளைத் தொடர்ந்து,
பிரச்சனையை தீர்க்க அரசுடன் பேச்சுவார்த்தை நடத்த வருமாறு பிரிவினைவாத
குழுக்களுக்கு மத்திய உள்துறை அமைச்சர் ப.சிதம்பரம் அழைப்பு
விடுத்திருந்தார்.

இந்நிலையில் அவரது இந்த அழைப்பை ஹூரியத் தலைவர் கிலானி நிராகரித்துள்ளார்.
பேச்சுவார்த்தைக்கு
வருமாறு தமக்கு விடுத்த அழைப்பு, தம் மீது அவநம்பிக்கையை ஏற்படுத்த
செய்வதற்கான முயற்சியே என்று குற்றம்சாற்றியுள்ள கிலானி, தாம் தமது நிலையை
தளர்த்திக்கொள்ளபோவதில்லை என்று தெரிவித்துள்ளார்.

காஷ்மீர்
பிரச்சனைக்குரிய பகுதி என்று இந்தியா ஏற்றுக்கொள்ளாதவரையிலும்,
காஷ்மீரிலிருந்து படைகளை வாபஸ் பெற்றுக்கொண்டு,காஷ்மீர் மீதான ஐ.நா.
தீர்மானங்களை அமல்படுத்த உதவாத வரையிலும் எந்த ஒரு பேச்சுவார்த்தையிலும்
தாம் பங்கேற்கப்போவதில்லை என்று அவர் திட்டவட்டமாக அறிவித்துள்ளார்.

அதேப்போன்று
ஆஸாத் ஆதரவு ஜம்மு காஷ்மீர் விடுதலை முன்னணி இயக்கமும் பேச்சுவார்த்தை
அழைப்பை நிராகரித்துள்ளது.பேச்சுவார்த்தை அழைப்பு கபடத்தனமானது என்று
வர்ணித்துள்ள அந்த இயக்கம், கொலையும் பேச்சுவார்த்தையும் ஒரே நேரத்தில்
ஒரே நேரத்தில் நடைபெற முடியாது என்று கூறியுள்ளது.

எதிர்கட்சியான மக்கள்
ஜனநாயக கட்சித் தலைவர் மெஹ்பூபா முஃப்தி, எந்த ஒரு பேச்சுவார்த்தையை
தொடங்குவதற்கு முன்னரும், மக்களிடையே நம்பிக்கையை ஏற்படுத்தும் சில
நடவடிக்கைகளையாவது மத்திய அரசு மேற்கொள்ள வேண்டும் என
வலியுறுத்தியுள்ளார்.

காஷ்மீர் பிரச்சனை குறித்து பேச்சு: சிதம்பரம் அழைப்பை நிராகரித்தார் கிலானி

காஷ்மீர் பிரச்சனை குறித்து பேச்சு: சிதம்பரம் அழைப்பை நிராகரித்தார் கிலானி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக