'கிட்னி' கடத்தல் - உக்ரைன் நாட்டில் இஸ்ரேலியர் கைது!

நவீன் · நவீன் Sat Aug 07, 2010 5:14 pm

வறுமையைப் பயன்படுத்தி ஏழைகளின் உடல்
உறுப்புகளை வாங்கும் கொடுமை உலகம் முழுவதும் ஏழை நாடுகளில் பரலாக
நடைபெற்று வருகிறது. ஏழை மற்றும் வளரும் நாடுகளில் தங்கியிருக்கும்
சர்வதேச ஏஜெண்டுகள் வறுமையில் வாடும் ஏழைகளின் உடல் உறுப்புகளை பெற்று
அதை பல நாடுகளுக்கு ஏற்றமதி செய்கிறார்கள்.

இது தொடர்பாக இஸ்ரேலில் இருந்து
வெளிவரும் ஹார்டேஸ் என்ற பத்திரிக்கை வெளியிட்டுள்ள செய்தியில் "உக்ரைன்
நாட்டில் தங்கி மூன்று வருடங்களுக்கு மேலாக சிறுநீரக கடத்தலில்
இஸ்ரேலியரின் தலைமையில் ஈடுபட்டு வந்த 12 பேர் கொண்ட கும்பல் ஒன்றை
உக்ரைன் போலீசார் வளைத்து பிடித்துள்ளனர். இவர்கள் பெரும்பாலும் இளம்
பெண்களிடமே இணையம் மூலம் வலை விரித்து இந்த கடத்தல் செயலை செய்து
வந்துள்ளனர். ஒரு சிறுநீரகம் 10,000 அமெரிக்க டாலர் என்று விலை நிர்ணயம்
செய்து பெற்று அதனை இஸ்ரேலில் உள்ள நோயாளிகளுக்கு 2,00,000 அமெரிக்க
டாலர்களுக்கு விற்று வந்துள்ளனர். இதுவரை இவர்கள் 4,00,00,000 அமெரிக்க
டாலர்களுக்கு விற்பனை செய்துள்ளனர்" என்று தெரிவித்துள்ளது.

கடந்த ஏப்ரல் மாதம் லண்டனில் இருந்து
வெளி வரும் கார்டியன் பத்திரிக்கையில் வெளியான ஒரு செய்தியில் "ஒய்வு
பெற்ற ராணுவ அதிகாரி தலைமையில் பெரிய அளவில் உடல் உறுப்புகளை கடத்திக்
கொண்டிருந்த ஐந்து பேர் கொண்ட கும்பலை இஸ்ரேல் அரசு கைது செய்துள்ளது.
இவர்கள் உலகின் பல இடங்களில் இருந்தும் உடல் உறுப்புகளை பெற்று
நோயாளிகளுக்கு அதை விற்று வந்துள்ளனர். மேலும் இந்த சதித் திட்டத்திற்கு
'நவீன அடிமை முறை' என்று அவர்கள் மேல் இஸ்ரேல் அரசு குற்றம்
சாட்டியுள்ளது" என்று வெளியிட்டுள்ளது.

'கிட்னி' கடத்தல் - உக்ரைன் நாட்டில் இஸ்ரேலியர் கைது!

'கிட்னி' கடத்தல் - உக்ரைன் நாட்டில் இஸ்ரேலியர் கைது!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக