தே.மு.தி.க. நாளை ஆர்ப்பாட்டம்: “பெட்ரோலிய பொருள் வரியை குறைக்கவேண்டும்” விஜயகாந்த் கோரிக்கை

சென்னை,


தே.மு.தி.க. தலைவர் விஜயகாந்த் வெளியிட்டுள்ள அறிக்கையில் கூறி இருப்பதாவது:-

பெட்ரோலியப்
பொருட்களின் விலையை உயர்த்தியும், வருங்காலத்தில் பெட்ரோலிய கம்பெனிகளே
தங்கள் விருப்பம் போல் விலையை உயத்திக் கொள்ளலாம் என்று இந்திய அரசு
முடிவெடுத்தது. இதை எதிர்த்து அனைத்து எதிர்க்கட்சியினரும், அமைப்புகளும்
திரும்பப் பெற வலியுறுத்தியும், இந்திய அரசு ஏற்றுக் கொள்ளவிவ்லை.

இந்திய
அரசு பெட்ரோலிய கம்பெனிகளுக்கு ஏற்பட்டுள்ள இழப்பே இதற்குக் காரணம் என்று
கூறியுள்ளது. ஆனால் உண்மையில் இந்தப் பெட்ரோலியப் பொருட்களின் விலை
உயர்வு, சில தனியார் கம்பெனிகள் லாபம் சம்பாதிக்கவே பயன்படும்.

தமிழ்நாட்டில்
பெட்ரோலுக்கு லிட்டருக்கு 30 சதவீதமும், டீசலுக்கு லிட்டருக்கு 21.43
சதவிகிதமும் என்று முதல்-அமைச்சர் ஒப்புக் கொண்டுள்ளார். இதர மாநிலங்களில்
நுழைவு வரி, கூடுதல் வரி, செஸ் வரி என்பவற்றை எல்லாம் கூட்டியும் கூட 30
சதவிகிதத்திற்கு மேல் வரவில்லை.

டெல்லியில்
20 சதவிகித மாக இருந்த விற்பனை வரியை தற்பொழுது 12.5 சதவிகிதமாகக்
குறைத்துள்ளனர். இதனால் விலை உயர்விற்கு முன்பு விற்ற விலையை விட
இப்பொழுது டீசல் விலை இன்னும் குறைந்துள்ளது. ஆந்திர மாநிலமும் தற்போதைய
விலை உயர்வால், விலை கூடுதலாக ஆகாமல் பார்த்துக் கொண்டுள்ளது.

தமிழ்நாடு
அரசின் வரவு, செலவு திட்டத்தில் பேட்ரோலியப் பொருட்களின் மீது வரி
விதிப்பதின் மூலம் ரூ.6320 கோடி கிடைக்கும் என்று எதிர்பார்க்கப்படுகிறது.
தற்போதைய விலை உயர்வால் கூடுதலாக எதிர்பாராத வகையில் ரூ.500 கோடி அளவிற்கு
இந்த லாபம் உயரும். இந்த எதிர்பாராத லாபத்தையாவது தி.மு.க. அரசு குறைக்க
முன் வந்திருக்கலாம்.

பெட்ரோலியப்
பொருட்களின் மீதுள்ள விற்பனை வரியை இதர மாநிலங்களைப் போல குறைக் காததை
கண்டித்து தே.மு.தி.க. நடத்தும் தொடர் ஆர்ப்பாட்டத்தின் அடுத்த கட்டமாக
நாகப்பட்டினத்தில் 8-ந்தேதி (ஞாயிற்றுக்கிழமை) காலை 10 மணியளவில் புதிய
பேருந்து நிலையம் எதிரில் தே.மு.தி.க. தேர்தல் பணிச் செயலாளர்
பாண்டியராஜன் தலைமையில், பெட்ரோலியப் பொருட்களின் மீதான விற்பனை வரியைக்
குறைக்கக் கோரி கண்டன ஆர்ப்பாட்டம் நடைபெறும்.

இவ்வாறு அதில் கூறப்பட்டுள்ளது.

எங்க வீட்டுக்காரரும் கச்சேரிக்கு போராருன்குற கதையா இவரும்
இப்ப ஆர்ப்பாட்டத்துல இறங்கிட்டாரா...விளங்கிடும் தமிழ்நாடு.