கழுத்தை அறுத்து இளம்பெண் கொலை:

நவீன் · நவீன் Sat 7 Aug 2010 - 17:50

கழுத்தை அறுத்து இளம்பெண் கொலை:

கள்ளக்காதல் தகராறில் தீர்த்து கட்டப்பட்டாரா?

தனிப்படை போலீஸ் விசாரணை

ஆலந்தூர்,

ஆதம்பாக்கம் தில்லை கங்கா நகரை சேர்ந்தவர் முத்துராஜ் (26). இவரது மனைவி கோகிலா (21). இவர்களுக்கு திருமணமாகி 8 மாதங்கள் ஆகிறது. கடந்த 4 மாதங்களுக்கு முன்புதான் தில்லை கங்கா நகருக்கு தனிக்குடித்தனம் வந்தார்கள். முத்துராஜ்
நேற்று மதியம் மனைவியுடன் சாப்பிட்டு விட்டு பாரிமுனைக்கு வேலைக்கு சென்று
விட்டார். வீட்டில் தனியாக இருந்த கோகிலா கொடூரமான முறையில் கழுத்தை
அறுத்து கொல்லப்ட்டார். வீட்டில் இருந்த 12 பவுன் நகைகளும்
கொள்ளையடிக்கப்பட்டுள்ளன.

இதுபற்றி
துப்பு துலக்க புறநகர் போலீஸ் கமிஷனர் ஜாங்கிட் உத்தரவின் பேரில் உதவி
கமிஷனர் தங்கரத்தினம் மேற்பார்வையில் 3 தனிப் படைகள் அமைக்கப்பட்டுள்ளன.
இன்ஸ்பெக்டர்கள் பழனிவேல், சவுந்தரராஜன், சீனிவாசன் ஆகியோர் தலைமையிலான
தனிப்படைகள் தீவிரமாக விசாரணை நடத்தி வருகிறார்கள்.

கொலையுண்ட
கோகிலா முத்துராஜின் அக்காள் மகள். நெல்லை மாவட்டத்தை பூர்வீகமாக
கொண்டவர். கடந்த சில ஆண்டுகளுக்கு முன்பு மும்பையில் குடியேறினார்கள்.
மும்பையில் வளர்ந்த கோகிலா திரு மணத்துக்கு பிறகு கணவருடன் சென்னை
வந்தார்.

பரங்கிமலை-
பழவந் தாங்கல் ரெயில்வே லைன் ஓரமாக ஒரு வீடு வாடகைக்கு அமர்த்தி
குடியேறினார்கள். வீட்டில் முன்பக்க கதவில் கிரில் கேட்டும் உள்ளது.
எப்போதும் தனியாக இருக்கும் கோகிலா கிரில் கதவை பூட்டிவிட்டுதான்
இருப்பாராம்.

நேற்று
மதியம் 1 மணி அளவில் கணவன்- மனைவி இருவரும் ஒன்றாக சாப்பிட்டுள்ளனர்.
முத்துராஜ் வேலைக்கு சென்ற சிறிது நேரத்தில் கொலை சம்பவம் நடந்துள்ளது.

கொலையாளி
தெரியாத நபராக இருந்தால் கண்டிப்பாக கோகிலா வீட்டுக்குள் அனுமதித்து
இருக்க மாட்டார். நிச்சயமாக கொலையாளி கோகிலாவுக்கு தெரிந்தவராகதான் இருக்க
வேண்டும் என்று போலீசார் சந்தேகிக்கிறார்கள்.

கோகிலாவின் கழுத்து சங்கு கொடூரமாக வெட்டி சிதைக்கப்பட்டுள்ளது. எனவே கொலைகாரன் ஏதோ வெறித்தனத்துடன் கொலையை அரங்கேற்றி இருக்கிறான்.

கள்ளக்காதல்
விவகாரத்தில் கோகிலா தீர்த்து கட்டப்பட்டாரா? அல்லது கொள்ளையர்கள் கைவரி
சையா? என்ற கோணத்தில் போலீசார் விசாரித்து வருகிறார்கள். நேற்று இரவு
முழுவதும் முத்துராஜிடம் விசாரணை நடந்தது.

கொலை
நடந்த இடத்தில் மோப்ப நாய் மோப்பம் பிடித்து விட்டு சரங்கப்பாதை வரை
ஓடியது. மீண்டும் வீட்டுக்கு வந்தது. எனவே கொலையாளிகள் ரெயிலிலேயே வந்து
காரியத்தை முடித்துவிட்டு தப்பி சென்றிருக்கலாம் என்ற சந்தேகம்
எழுந்துள்ளது. கொலை செய்தபோது சத்தம் வெளியே கேட்காமல் இருப்பதற்காக
டி.வி.யை அதிக சத்தமாக ஓட விட்டுள்ளனர்.

இவை
எல்லாம் போலீசாரின் விசாரணையில் சந்தேகங்களை எழுப்பி உள்ளது. விசாரணையில்
முன்னேற்றம் ஏற்பட்டுள்ளது. கொலையாளி பற்றி விரைவில் துப்பு துலங்கும்
என்று போலீசார் தெரிவித்தனர்.

கழுத்தை அறுத்து இளம்பெண் கொலை:

கழுத்தை அறுத்து இளம்பெண் கொலை:

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக