ஒசூர் அதியமான் பொறியியல் கல்லூரியில் மாணவர்கள் வடிவமைத்த குட்டி விமானம்

ஒசூர்,

ஒசூர் அதியமான் பொறியியல் கல்லூரி மாணவர்கள் வடிவமைத்த குட்டி விமானம் 800 அடி உயரத்தில் பறந்தது.அதியமான்
பொறியியல் கல்லூரி ஏரோநாட்டிக்கல் துறையும், இந்திய தொழில் நுட்பச்
சங்கமும் இணைந்து நடத்திய தேசிய அளவிலான விமானத்துறை மற்றும் ஏவியானிக்ஸ்
பற்றிய இரண்டு நாள் கருத்தரங்கம் வெள்ளிக்கிழமை தொடங்கியது. கருத்தரங்கையொட்டி
ஒசூர் அதியமான் பொறியியல் கல்லூரி மாணவர்கள் தயாரித்த மைக்ரோ ஏர் வைக்கில்
விமானம் சோதனை ஓட்டம் விடப்பட்டது. இந்த விமானம் 800 அடி உயரத்தில், 30
நிமிடங்கள் பறந்தது.இந்த விமானத்தை இக்கல்லூரியின் 2-ம் ஆண்டு
ஏரோநாட்டிக்கல் துறை மாணவர்கள் கவியரசு, அருண்குமார், மதன், சர்மிளா,
சாரதா, பூஜா, மஞ்சுளாதேவி, மணிகண்டன் ஆகியோர் தயாரித்திருந்தனர்.முன்னதாக நடைபெற்ற கருத்தரங்குக்கு தலைமை வகித்து கல்லூரி முதல்வர் டாக்டர் ஜி.ரங்கநாத் பேசியது: ஒசூர்
அதிமயான் பொறியியல் கல்லூரியும், ஒசூர் அருகே உள்ள தனேஜா ஏரோபேஸ் நிறுவனம்
புரிந்துணர்வு ஒப்பந்தம் செய்து கொண்டுள்ளது. இதையடுத்து ஏரோநாட்டிக்கல்
பொறியியல் துறை மாணவர்கள் 30 மணி நேரம் செய்முறை பயிற்சி பெற்று
வருகின்றனர். இனி வரும் காலங்களில் ஏரோநாட்டில் பொறியியல்துறை
மாணவர்களுக்கு பாதுகாப்பு மற்றும் விமானத்துறையில் வேலை வாய்ப்பு பெருக
வாய்ப்புள்ளது. மேலும் இத்துறை மாணவர்கள் ஆராய்ச்சியிலும் ஈடுபடலாம்
என்றார். சிறப்பு விருந்தினர் பெங்களூர் பாதுகாப்பு ஆராய்ச்சி
நிறுவனத்தின் கூடுதல் இயக்குநர் பேசியது: இந்தியா மற்றும்
அமெரிக்காவில் மைக்ரோ ஏர் வைக்கில் ஆராய்ச்சிக்கு அதிக முக்கியத்துவம்
கொடுக்கப்படுகிறது. இதன் மூலம் பாதுகாப்புத்துறையில் ஆளில்லா குட்டி
விமானம் மூலம் 1000 அடி உயரத்தில் பறந்தவாறே நுண்ணிய கேமரா மூலம் எதிரிகளை
கண்டறியலாம்.இத்துறையில் ஆராய்ச்சி செய்ய விரும்பும் மாணவர்களுக்கு பெங்களூர் பாதுகாப்பு ஆராய்ச்சி நிறுவனம் நிதியுதவி அளிக்கிறது என்றார் அவர். ஏரோநாட்டிக்கல்
துறைத் தலைவர் அறிவுடைநம்பி,பேராசிரியர் ரேகா ராஜாராம் உள்ளிட்டோர்
கலந்துகொண்டனர். இக்கருத்தரங்கில் பல்வேறு மாநிலங்களிலிருந்து 300
மாணவர்கள் பங்கேற்றனர்.