திரையரங்கு அனுமதி மறுக்கப்பட்டதைக் கண்டித்து நரிக்குறவர்கள் போராட்டம்

நவீன் · நவீன் Sat Aug 07, 2010 1:42 pm

சென்னை,

டிக்கெட் வாங்கிய பிறகும் திரையரங்குக்குகள் அனுமதிக்காத நிர்வாகத்தைக்
கண்டித்து சென்னை அண்ணா சாலையில் நரிக்குறவர்கள் போராட்டத்தில் ஈடுபட்டனர்.அண்ணா
சாலையில் உள்ள பிரபல திரையரங்குக்கு இன்று காலை நரிக்குறவர்கள் சிலர்
குழுவாக வந்தனர். படம் பார்ப்பதற்கு அவர்கள் டிக்கெட் வாங்கியதாகத்
தெரிகிறது. பின்னர் திரையரங்குக்குள் நுழைய முயன்றபோது அங்கிருந்த
ஊழியர்கள் அவர்களைத் தடுத்து நிறுத்தியதாகக் கூறப்படுகிறது.இதையடுத்து,
தங்களுக்கு திரைப்படம் பார்க்க அனுமதி மறுத்த நிர்வாகத்தைக் கண்டித்து
நரிக்குறவர்கள் போராட்டத்தில் ஈடுபட்டனர். அனுமதி மறுக்கப்பட்டதற்கான
காரணம் என்னவென்று தெரியவில்லை.