தேசிய விருது பெற்ற வீரகுமார் கெüரவிப்பு

நவீன் · நவீன் Sat Aug 07, 2010 1:08 pm

ஆலங்குடி,

தேசிய விருதான "இந்திரா பிரியதர்ஷினி விருக்ஷமித்ரா' விருதுபெற்ற வனச்
சரகர் உ. வீரகுமார் ஆலங்குடி அருகேயுள்ள தோப்புக்கொல்லை வனவியல் விரிவாக்க
மையத்தில் புதன்கிழமை நடைபெற்ற விழாவில் கெüரவிக்கப்பட்டார்.புதுக்கோட்டை
மாவட்டத்தில், அரசுத் திட்டங்களின் கீழ் 30 ஆயிரம் மரக்கன்றுகளை இலவசமாக
விநியோகம், ஆண்டுக்கு 400 ஏக்கர் தனியார் நிலங்களில் மரம் வளர்ப்பு,
விவசாயிகளுக்குத் தரமான மரக்கன்றுகளை வழங்கி ஆண்டுக்கு 12.5 ஏக்கரில்
மாதிரித்தோட்டம் அமைக்க உதவி, சராசரியாக ஆண்டுக்கு 2 லட்சம் மரக்கன்றுகள்
உற்பத்திசெய்து பல்வேறு திட்டங்களின் கீழ் விநியோகம், விவசாயிகளுக்கு
ஏறத்தாழ 150 பயிற்சி முகாம்கள் ஆகிய பணிகளில் தன்னை முழுமையாக
டுபடுத்திக்கொண்டதற்காகவும் சுற்றுச்சூழல் வளர்ச்சியில் சிறப்பான
பங்களிப்பாகவும் இந்த விருது வீரகுமாருக்கு வழங்கப்பட்டுள்ளது. இவை
தவிர, அரசுத் திட்டம் அல்லாத வீட்டுக்கு 5 மரம் இலவசமாக வழங்கும்
திட்டத்திலும் தன்னை ஈடுபடுத்திக்கொண்டு ஆண்டுக்கு 5 ஆயிரம் மரக்கன்றுகளை
அவர் வழங்கியுள்ளார். தமிழகத்தில் முதல்முதலாக மரம் வளர்ப்போர்
சங்கம் புதுக்கோட்டை மாவட்டத்தில் தொடங்கப்பட்டது. அதன் செயல்பாடுகளில்
வீரகுமாரின் பங்களிப்பு குறிப்பிடத் தக்கதாகும். இந்தப் பணிகளின்
அடிப்படையிலேயே வீரகுமாருக்கு இவ்விருது வழங்கப்பட்டுள்ளது. இவ்விழாவுக்கு,
மரம் வளர்ப்போர் சங்க நிர்வாகி ஆ. ஞானபிரகாசம் தலைமை வகித்தார்.
நிர்வாகிகள் "மரம்' தங்கசாமி, ஜி.எஸ். தனபதி உள்ளிட்டோர் முன்னிலை
வகித்தனர். முன்னோடி வங்கியின் மேலாளர் சி. சுதாகர், வன உதவிப் பாதுகாவலர்
ஜெயமணி, ஓய்வுபெற்ற வேளாண் இணை இயக்குநர் அங்குராஜ், காவல் துணைக்
கண்காணிப்பாளர் சேதுராமன் உள்ளிட்டோர் பாராட்டினர். கட்சி
சார்பற்ற விவசாயிகள் சங்க மாவட்டச் செயலர் அப்பாவு பாலாண்டார் வரவேற்றார்.
லார்டு தொண்டு நிறுவன இயக்குநர் எஸ்.பி. ராணி நன்றி கூறினார்.

தேசிய விருது பெற்ற வீரகுமார் கெüரவிப்பு

தேசிய விருது பெற்ற வீரகுமார் கெüரவிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக