கடலை ஆலைகளால் மாசு: கட்டுப்படுத்த தேமுதிக வலியுறுத்தல்

ஆலங்குடி,

ஆலங்குடி பகுதியிலுள்ள கடலை அரவை ஆலைகளில் இருந்து வெளியேறும் தூசியையும்
அதனால் ஏற்படும் சுற்றுச்சூழல் மாசையும் கட்டுப்படுத்த நடவடிக்கை எடுக்க
வேண்டும் என்று தேமுதிக வலியுறுத்தியுள்ளது. அக்கட்சியின் தலைவர்
விஜயகாந்த் ஆலங்குடி பகுதியில் இம்மாதம் சுற்றுப்பயணம் மேற்கொள்வது
தொடர்பாக இங்கு அண்மையில் நடைபெற்ற நிர்வாகிகள் ஆலோசனைக் கூட்டத்தில்
இதற்கான தீர்மானம் நிறைவேற்றப்பட்டது. மேலும், ""எவ்வித
முன்னறிவிப்பும் இல்லாமல் புதுக்கோட்டை மாவட்டத்தில் இயங்கும் அனைத்து
தனியார் பஸ்களிலும் கட்டணம் | 1 உயர்த்தி வசூலிக்கப்படுவதைத் தடுக்க
நடவடிக்கை எடுக்க வேண்டும்'' என்பன உள்ளிட்ட தீர்மானங்கள்
நிறைவேற்றப்பட்டன. கூட்டத்துக்கு, கட்சியின் மாநிலப் பொதுக்குழு
உறுப்பினர் அ.க. முத்து தலைமை வகித்தார். நகரச் செயலர் எல். செல்வம்,
அவைத் தலைவர் பழ. நேதாஜி ஆகியோர் முன்னிலை வகித்தனர். கூட்டத்தில்
ஆலங்குடி சட்டப்பேரவைத் தொகுதிக்குட்பட்ட பொறுப்பாளர்கள் பங்கேற்றனர்.நைனா முஹம்மது கல்லூரியில்ரத்த வகை கண்டறியும்முகாம்அறந்தாங்கி, ஆக. 6: ராஜேந்திரபுரம் நைனா முஹம்மது கல்லூரியில் ரத்த வகை கண்டறியும் முகாம் வியாழக்கிழமை நடைபெற்றது.
கல்லூரியின் நுண்ணுயிரியல் துறை சார்பில் நடைபெற்ற இந்த முகாமுக்கு, நைனா
முஹம்மது கல்வி நிறுவன நிறுவனர் நை. முஹம்மது பாரூக் தலைமை வகித்தார். ஆங்கில துறைத் தலைவர் எஸ். யூசுப் முன்னிலை வகித்தார். நிகழ்ச்சியில்
நைனா முஹம்மது கல்வியியல் கல்லூரியின் முதல்வர் ச. அன்புமுத்து, அல்
-அமான் ஆசிரியர் பயிற்சி முதல்வர் வை. பழனிவேலு உள்ளிட்டோர் பங்கேற்றனர்.முகாமில்
400 மாணவ, மாணவிகளுக்கு ரத்த வகை கண்டறியப்பட்டது. விரிவுரையாளர் டி.
சங்கர் ரத்த வகை கண்டறிதல் குறித்து விளக்கவுரையாற்றினார். முன்னதாக, நுண்ணுயிரியல் துறைத் தலைவர் பி. பழனிச்சாமி வரவேற்றார். நிறைவில், விரிவுரையாளர் ஆர். சத்தியா நன்றி கூறினார்.