ரயில்வே பாதுகாப்பு போலீஸôர் மீது துப்பாக்கியால் சுட்டனர்: பயணிகளைத் தாக்கி ரூ.2.5 லட்சம் கொள்ளை

லக்கிசராய் (பிகார்),

ரயில் பயணிகளைத் தாக்கி ரூ.2.5 லட்சத்தை கொள்ளையர்கள் கொள்ளையடித்துச் சென்றனர்.பிகார்
மாநிலம் லக்கிசராய் மாவட்டம் பலூய் ஹால்ட் ரயில் நிலையத்தில் சீல்டா-புது
தில்லி லால் கிலா எக்ஸ்பிரஸ் ரயில் வெள்ளிக்கிழமை அதிகாலை 4.45 மணிக்கு
நின்றபோது இந்த சம்பவம் நடந்துள்ளது.பாட்னாவிலிருந்து 135
கிலோமீட்டர் தூரத்தில் ஜமுய் ரயில் நிலையம் உள்ளது. ஜமுய் ரயில் நிலையம்
பகுதிக்கு சீல்டா-லால் கிலா எக்ஸ்பிரஸ் ரயில் வந்தபோது ஆயுதங்களை ஏந்திய
கொள்ளையர்கள் ரயிலில் ஏறி பயணிகளை மிரட்டினர். சுமார் 50 பேர் கொண்ட
கும்பலாக கொள்ளையர்கள் இருந்தனர். ரயிலின் ஏசி பெட்டிகள் மற்றும் தூங்கும்
வசதி கொண்ட பெட்டிகளில் ஏறிய கொள்ளையர்கள் பயணிகளைத் தாக்கி
அவர்களிடமிருந்த நகைகள், செல்போன்கள், ரொக்கம் ஆகியவற்றை கொள்ளையடித்தனர்.பொருள்களைக் கொடுக்காத பயணிகளை துப்பாக்கியின் பின்புறத்தால் கொள்ளையர்கள் தாக்கி பொருள்களைப் பறித்தனர்.இதையடுத்து
ரயிலில் பாதுகாப்புக்கு வந்த போலீஸôர் கொள்ளையர்களைப் பிடிக்க முயன்றபோது
அவர்களை நோக்கி கொள்ளையர்கள் துப்பாக்கியால் சுட்டுவிட்டுத் தப்பியோடினர்.
இதில் போலீஸôர் ஒருவர் காயமடைந்தார். அவர்களிடம் துப்பாக்கி போன்ற
ஆயுதங்கள் இல்லாததால், கொள்ளையர்கள் அவர்களை எளிதில் தாக்கிவிட்டுத்
தப்பினர்.சம்பவம் தொடர்பாக பலுய் ஹால்ட் போலீஸ் நிலையத்தில் புகார்
தரப்பட்டுள்ளது. சம்பவம் குறித்து ரயில்வே போலீஸ் துணை கண்காணிப்பாளர்
ஆர்.கே. சர்மா கூறியதாவது: மொத்தம் 20 பயணிகள், ஒரு ராணுவ வீரரைத்
தாக்கி கொள்ளையர்கள் கொள்ளையடித்துள்ளனர். இதில் 3 பெண்கள் உள்பட 5
பயணிகள் படுகாயமடைந்துள்ளனர். 15 பேர் லேசான காயமடைந்துள்ளனர்.துப்பாக்கியால்
சுட்டதில் காயமடைந்துள்ள ராணுவ வீரர் மருத்துவமனையில் சிகிச்சைக்காகச்
சேர்க்கப்பட்டுள்ளார். காயமடைந்தவர்களுக்கு ரயில்வே டாக்டர்கள் குழு
முதலுதவி அளித்தனர். பின்னர் அவர்கள் அதே ரயிலில் புறப்பட்டுச் சென்றனர்.அதிகாலை
நேரத்தில் இந்த சம்பவம் நடந்தது. ரயிலில் பாதுகாப்புக்கு இருந்த 5
போலீஸôரிடம் துப்பாக்கி போன்ற ஆயுதங்கள் இல்லை. இந்தத் தடத்தில் செல்லும்
ரயில்களில் வரும் போலீஸôருக்கு ஆயுதங்கள் இதுவரை வழங்கப்படவில்லை என்றார்
அவர்.பிகாரில் இயக்கப்படும் 275 ரயில்களுக்கு போதிய போலீஸ் பாதுகாப்புத் தேவை என்று போலீஸ் வட்டாரங்கள் தெரிவித்தன.ரயில்
நிலைய அலுவலகம் சூறை: இந்த நிலையில் பயணிகளுக்கு போதிய பாதுகாப்பு
தரவில்லையென்று கூறி கியுல் ரயில் நிலைய அலுவலகத்தை பயணிகள் சூறையாடினர்.
கொள்ளைச் சம்பவத்துக்குப் பின்னர் பலூய் ஹால்ட்டிலிருந்து சீல்டா
எக்ஸ்பிரஸ் ரயில் புறப்பட்டு கியுல் ரயில் நிலையத்துக்கு வந்ததும்
கோபமடைந்த பயணிகள் அலுவலகத்தில் நுழைந்து பொருள்களைச் சூறையாடினர்.இதில்
நாற்காலிகள், மேஜைகள் சேதமடைந்தன. அலுவலகத்திலிருந்த கோப்புகளையும்
அவர்கள் கிழித்தெறிந்தனர். பின்னர் அவர்களை ரயில்வே அதிகாரிகள் சமாதானம்
செய்து ரயிலில் ஏற்றி அனுப்பி வைத்தனர்.