ஐ.ஓ.சி., ஓ.என்.ஜி.சி. பங்கு விற்பனை: ரூ. 21,000 கோடி திரட்ட அரசு முடிவு

புது தில்லி,

மத்திய அரசு நிறுவனங்களான இந்தியன் ஆயில் கார்ப்பரேஷன் (ஐஓசி), எண்ணெய்
இயற்கை எரிவாயு கார்ப்பரேஷன் ஆகியவற்றின் பங்குகளை விற்பனை செய்ய மத்திய
அரசு திட்டமிட்டுள்ளது. இதன் மூலம் ரூ. 21,000 கோடியை திரட்ட இலக்கு
நிர்ணயிக்கப்பட்டுள்ளதாக மத்திய பெட்ரோலியத்துறைச் செயலர் எஸ். சுதர்சன்
தெரிவித்தார்.இது தொடர்பாக மத்திய அரசின் நிறுவனப் பங்குகள்
விற்பனைத் துறையிடமிருந்து அறிக்கை வந்துள்ளதாகவும், பங்கு விற்பனைக்கான
அனுமதிக்கு மத்திய நிதி அமைச்சகத்தின் அனுமதிக்குக் காத்திருப்பதாகவும்
அவர் கூறினார்.ஓஎன்ஜிசி நிறுவனத்தின் 5 சதவீதம் அல்லது 10.6 கோடி
பங்குகளை ஒவ்வொன்றும் ரூ. 1,233.25 விலையில் தொடர் பங்கு விற்பனையாக செய்ய
முடிவு செய்யப்பட்டுள்ளது. இதன் மூலம் ரூ. 13,189 கோடி திரட்ட
உத்தேசிக்கப்பட்டுள்ளது.இதேபோல ஐஓசி-யில் 14.35 சதவீத பங்குகளை
விற்பனை செய்ய முடிவு செய்யப்பட்டுள்ளது.பங்கு விற்பனைக்குப் பிறகு
ஓஎன்ஜிசியில் அரசின் பங்கு 74.14 சதவீதத்திலிருந்து 69.14 சதவீதமாகக்
குறையும். ஐஓசியில் 78.92 சதவீதமாக உள்ளது 64.57 சதவீதமாகக் குறையும்.பங்கு
விற்பனை தொடர்பான நடவடிக்கைகளை அரசு பங்கு விற்பனைத் துறை மேற்கொள்ளும்.
பங்குகளை விற்பனை செய்வதற்கான அனுமதியை மட்டும் பெட்ரோலிய அமைச்சர் முரளி
தியோராவிடமிருந்து பெற வேண்டும் என்று சுதர்சன் கூறினார்.முதல்
கட்டமாக ஐஓசி பங்குகள் விற்பனை செய்யப்படும். 24.27 கோடி பங்குகள் விற்பனை
செய்யப்படும். ஐஓசி பங்குகள் விலை ரூ. 363.90 ஆகும். இதன் மூலம் அரசுக்கு
ரூ. 8,835 கோடி கிடைக்கும். இதன் மூலம் ஐஓசி ரூ. 75 ஆயிரம் கோடி
முதலீட்டில் மேற்கொள்ள உள்ள விரிவாக்கத் திட்டப் பணிகளுக்கு இத்தொகை
பயன்படுத்தப்படும். இதற்கு அடுத்தபடியாக 19 ஆயிரம் கோடி பங்குகள் விற்பனை
மூலம் ரூ. 7,000 கோடி திரட்டப்படும்