லடாக் பகுதியில் பலத்த மழை, வெள்ளம்: 103 பேர் பலி

ஜம்மு-காஷ்மீர் மாநில பகுதியில் மீட்புப் பணியில் வெள்ளிக்கிழமை
ஈடுபட்டுள்ள ராணுவத்தினர்; (வலது) வெள்ளத்தில் சிக்கி மீட்கப்பட்ட
வெளிநாட்டு சுற்றுலாப்


லடாக் பகுதியில் பெய்த பலத்த மழை, வெள்ளம் மற்றும் நிலச்சரிவால் இதுவரை 103 பேர் பலியாகியுள்ளனர்.ஜம்மு-காஷ்மீர்
மாநிலத்தின் வட கிழக்குப் பகுதியிலுள்ள லடாக்கில் பலத்த மழை பெய்து
வருகிறது. குறிப்பாக லே பகுதியில் பலத்த மழை கொட்டித் தீர்த்து வருகிறது.
இதனால் ஆறுகளில் வெள்ளப் பெருக்கு ஏற்பட்டுள்ளது. லே நகரின் வீதிகளில்
வெள்ளம் சூழ்ந்துள்ளது. தாழ்வான இடங்களில் உள்ள வீடுகள் மூழ்கிவிட்டன.
ஆங்காங்கே நிலச்சரிவும் ஏற்பட்டு மக்கள் பலியாயினர். இதுவரை நிலச்சரிவு
மற்றும் மழை காரணமாக 103 பேர் பலியாகியுள்ளதாகத் தெரியவந்துள்ளது.இதுகுறித்து
ஸ்ரீநகரிலிருந்து போலீஸ் கமிஷனர் குல்தீப் கோடா கூறியதாவது: லே பகுதியில்
பலத்த மழை பெய்து வருகிறது. இதனால் அங்கு மீட்புப் பணிகளை நடத்துவதில்
சிரமம் ஏற்பட்டுள்ளது.நிலச்சரிவு மற்றும் மழை வெள்ளம் காரணமாக
இதுவரை 103 பேர் பலியாகிவிட்டனர். அவர்களது உடல்கள்
கண்டெடுக்கப்பட்டுள்ளன. 350-க்கும் மேற்பட்டோர் காயமடைந்துள்ளனர். மழையில்
வெள்ளத்தால் அடித்துச் செல்லப்பட்டவர்கள் எத்தனை பேர் என்பது தெரியவில்லை.
இன்னும் பலர் காணாமல் போனதாக தகவல்கள் வந்துள்ளனர். இதனால் சாவு எண்ணிக்கை
உயரும் என்று தெரிகிறது.லே விமானநிலையத்திலுள்ள ஓடுபாதை மழை நீரால்
மூழ்கியுள்ளது. இதையடுத்து வெள்ளிக்கிழமை காலை அங்கு விமானங்களை தரை
இறக்குவதில் சிரமம் ஏற்பட்டுள்ளது. ஆனால் பிற்பகலில் ஓடுபாதை
சீரமைக்கப்பட்டு விமானங்கள் தரை இறக்கப்பட்டன என்றார் அவர்.லே பகுதிக்கு வந்து மீட்புப் பணிகளைப் பார்வையிட முதல்வர் ஒமர் அப்துல்லா முடிவு செய்துள்ளார்.ரூ.1
லட்சம் நிவாரண நிதி-பிரதமர் அறிவிப்பு: மழைக்கு பலியானவர்களின்
குடும்பத்தினருக்கு ஆழ்ந்த இரங்கலை பிரதமர் மன்மோகன் சிங்
தெரிவித்துள்ளார். மேலும் பலியானவர்களின் குடும்பத்தினருக்கு தலா ரூ.1
லட்சம் நிவாரண நிதி வழங்குவதாகவும் பிரதமர் அறிவித்துள்ளார்.மீட்புப்
பணிகள் தீவிரம்: லே பகுதியில் மீட்புப் பணியில் துணை ராணுவத்தினரும்,
மாநில போலீஸôரும், ராணுவத்தினரும் ஈடுபட்டுள்ளனர். கார்கில்
பகுதியிலிருந்து ராணுவத்தினரும் லே பகுதிக்கு வந்து மீட்புப் பணியில்
ஈடுபட்டுள்ளனர். குறிப்பாக சாபு, பியாங், நிமூ, சோக்லாம்சர் பகுதிகள்
மழையால் வெகுவாகப் பாதிக்கப்பட்டுள்ளதாகத் தெரியவந்துள்ளது.லே
பகுதியில் அமைந்திருந்த பிஎஸ்என்எல் அலுவலகத்திலிருந்த தொலைதொடர்பு
கருவிகள் மழையால் அடித்துச் செல்லப்பட்டன. இதனால் தொலைதொடர்பு
துண்டிக்கப்பட்டுள்ளது. ஆங்காங்கே நிலச்சரிவும் ஏற்பட்டுள்ளது.கிராமங்களிலுள்ள
மண் குடிசைகள் இடிந்து விழுந்தன. பஸ் நிலையக் கூரைகள் இடிந்து
விழுந்துள்ளன. பல இடங்களில் மழை நீரில் வாகனங்கள் மிதக்கும் அளவுக்கு
வெள்ள நீர் செல்கிறது. வெள்ளத்தால் பாதிக்கப்பட்டோருக்காக 2 முகாம்களை
ஜம்மு-காஷ்மீர் மாநில போலீஸôர் ஏற்படுத்தியுள்ளனர். இங்கு சுமார் 2 ஆயிரம்
பேர் தங்க வைக்கப்பட்டுள்ளனர். மழை வெள்ளத்துக்கு ராணுவ ஜவான்கள் 3
பேரும், ஜம்மு-காஷ்மீர் ஆயுதப் படைப் பிரிவு போலீஸôர் 3 பேரும்
பலியாகிவிட்டனர்.மீட்புப் பணியில் மொத்தம் 6 ஆயிரம் பாதுகாப்புப்
படையினர் ஈடுபட்டுள்ளதாக மத்திய உள்துறை அமைச்சர் ப. சிதம்பரம் தில்லியில்
தெரிவித்தார். மழை வெள்ளம் பாதிக்கப்பட்ட இடங்களில் இருந்து 50 மத்திய
ரிசர்வ் போலீஸ் படையினர் (சிஆர்பிஎஃப்) மீட்கப்பட்டனர். மழை, வெள்ளத்தால்
காயமடைந்தவர்கள் மாவட்ட மருத்துவமனைகளில் குவிந்த வண்ணம் உள்ளனர்.
அவர்களுக்குத் தேவையான மருத்துவ உதவிகளை வழங்க வெளிமாவட்டங்களில் இருந்து
மருத்துவக் குழுக்கள் வரவழைக்கப்பட்டுள்ளன.