15 ஆண்டுகளாக அமெரிக்காவில் பதுங்கியிருக்கும் அல்கொய்தா புதிய தலைவர்

ரபீக் · ரபீக் Sat Aug 07, 2010 11:44 am

அமெரிக்கா உள்ளிட்ட உலக நாடுகளுக்கு பின் லேடன் தலைமையிலான அல்கொய்தா தீவிரவாதிகள் தலைவலியாக இருந்து வருகின்றனர். கடந்த 2000-ம் ஆண்டு அமெரிக்காவில் இரட்டை கோபுரங்களை விமானங்கள் மூலம் மோதி தகர்த்தனர்.

இதற்கு காரணமாக இருந்த அல்கொய்தா தலைவர் காலித் ஷேக் முகமது கடந்த 2003-ம் ஆண்டு கைது செய்யப்பட்டார். இவர் அமெரிக்காவில் செயல் பட்டு வரும் அல்கொய்தா தீவிரவாத அமைப்பின் தலைவராக இருந்தார்.

இதை தொடர்ந்து புதிய தலைவராக அட்னன்ஜி ஷீக்ரி ஜுமா என்பவர் நியமிக்கப்பட்டுள்ளார். இவர் 15 ஆண்டுகளாக அமெரிக்காவில் மியாமி பகுதியில் பதுங்கியுள்ளார். இந்த தகவலை அமெரிக்காவின் எப்.பி.ஐ. உளவு நிறுவனத்தின் ஏஜெண்டு பிரைன் லேபிளாங் தெரிவித்துள்ளார்.

மேலும் அவர் கூறியதாவது:-

அமெரிக்காவில் நடந்து வரும் குண்டு வெடிப்பு சம்பவங்கள் ஷீக்ரி ஜூமா மற்றும் 2 தலைவர்களின் ஆலோசனையின் பேரில் நடைபெற்று வந்தது. இதற்கிடையே சமீபத்தில் பாகிஸ்தான் மற்றும் ஆப்கன் பகுதியில் ஆளில்லா விமானங்கள் மூலம் நடத்தப்பட்ட ஏவுகணை தாக்குதல்களில் அவர்கள் 2 பேரும் பலியாகி விட்டனர்.

குண்டு வெடிப்பு சம்பவங்களை திட்டமிட்டு திறமையாக செய்து முடிப்பதில் ஷீக்ரி ஜூமா வல்லவர். இவர் அமெரிக்க குடியுரிமை பெற்றவர். கிரீன் கார்டு வைத்துள்ளார். அவரை கடந்த 2003-ம் ஆண்டு முதல் தேடி வருகிறோம். ஆனால் அவர் எந்த வழக்கிலும் சிக்காமல் இருந்தார்.

ஆனால் கடந்த 2009-ம் ஆண்டு நியூயார்க் சுரங்க பாதையில் நடந்த குண்டு வெடிப்பு சம்பவத்தில் 3 பேர் சம்பந்தப்பட்டுள்ளனர். அவர்களில் இவரும் ஒருவர். எனவே அவர் மீது கோர்ட்டில் வழக்கு தொடரப்பட்டுள்ளது. இது தான் அவர் சிக்கியுள்ள முதல் கிரிமினல் வழக்கு. அவரை அமெரிக்க போலீசார் தேடி வருகின்றனர்.

இவ்வாறு அவர் தெரிவித்துள்ளார்

15 ஆண்டுகளாக அமெரிக்காவில் பதுங்கியிருக்கும் அல்கொய்தா புதிய தலைவர்

15 ஆண்டுகளாக அமெரிக்காவில் பதுங்கியிருக்கும் அல்கொய்தா புதிய தலைவர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக