நெரிசலில் சிக்காமல் சபரிமலையில் 5 நிமிடம் நின்று தரிசிக்கலாம்; தேவஸ்தானம் புதிய ஏற்பாடு

திருவனந்தபுரம்,


சபரிமலை
அய்யப்பன் கோவிலுக்கு செல்லும் பக்தர்கள் கூட்டம் ஆண்டுக்கு ஆண்டு
அதிகரித்து வருகிறது. பல கிலோ மீட்டர் தூரம் நடந்து செல்லும் பக்தர்கள்
சில நொடிகள்தான் சாமி தரிசனம் செய்ய முடியும்.

“இந்த
குறையை போக்க வேண்டும்” என்று பக்தர்கள் கோரிக்கை விடுத்து இருந்தனர்.
இதையடுத்து திருவாங்கூர் தேவசம் போர்டு பக்தர்கள் சாமி தரிசனம் செய்வதற்கு
புதிய முறையை நடை முறைப்படுத்த முடிவு செய்துள்ளது.

சபரிமலை
செல்லும் பக்தர்கள் 18-ம் படி ஏறி மேலே செல்வார்கள். அங்குள்ள கொடி
மரத்தின் இடது புறமாக திரும்பி சன்னி தானத்தின் மேல் அமைக்கப்பட்டுள்ள
சுற்றுப்பாதை வழியாக செல்வார்கள். அதன் பிறகு சன்னிதானம் முன்பு நின்று
சாமி தரிசனம் செய்வார்கள். ஒரே நேரத்தில் ஆயிரக்கணக்கான பக்தர்கள்
சுற்றுப்பாதை வழியாக நெருக்கியடித்துக் கொண்டு வருவார்கள்.

எனவே
பக்தர்கள் ஒரு வினாடி கூட சாமி தரிசனம் செய்ய முடியாது. கூட்ட நெரிசலை
சமாளித்து போலீசார் உடனுக்குடன் பக்தர்களை அப்புறப்படுத்தி விடுவார்கள்.

சாமி
தரிசனம் செய்ய முடியாமல் வருபவர்கள் இருமுடி கட்டை இறக்கிய பிறகு
மீண்டும், மீண்டும் வரிசையில் நின்று சாமியை தரிசனம் செய்த பிறகுதான்
செல்வார்கள். இதனால் கூட்ட நெரிசல் மேலும் அதிகரிக்கும்.

இதை
தவிர்க்கும் வகையில் பக்தர்கள் 18-ம் படி ஏறியதும் நேராக சன்னி தானம்
முன்பு நின்று சாமி தரிசனம் செய்ய அனுமதிக்கப்படுவார்கள். குறைந்தது 5
நிமிடம் சிரமம் இல்லாமல் பக்தர்கள் சாமி தரிசனம் செய்ய
அனுமதிக்கப்படுவார்கள். அதன் பிறகு சன்னிதானத்தை சுற்றி வந்து கோவிலை
விட்டு வெளியே வரலாம். எல்லா பக்தர்களும் ஒரே தடவையில் சிரமம் இல்லாமல்
சாமி தரிசனம் செய்யலாம். இந்த புதிய முறை காரணமாக பக்தர்கள் சிரமம்
குறையும்.

அருமையான எண்ணம்