மதுரை மீனாட்சி அம்மன் கோவில் யானைக்கு 2 வேளை “ஷவர்பாத்” குளியல்: தினமும் சத்தான உணவு வழங்கப்படுகிறது

மதுரை,


தமிழகத்தில்
உள்ள கோவில் யானைகளை பராமரிப்பது குறித்த பயிற்சி யானை பாகன்களுக்கு
வழங்கப்பட்டது. இதை தொடர்ந்து மதுரையில் திருப்பரங்குன்றம், மீனாட்சி
அம்மன் கோவில் யானைகள் குளிப்பதற்காக “ஷவர்பாத்” முறை உருவாக்கப்பட்டது.
கடந்த சில நாட்களுக்கு முன்பு திருப்பரங்குன்றம் யானை “ஷவர்பாத்”தில்
குளிப்பதற்கான வசதி செய்யப்பட்டது.

இதேபோல்
மதுரை மீனாட்சி அம்மன் கோவிலில் உள்ள 15 வயதுடைய யானை பார்வதிக்கு
“ஷவர்பாத்” குளியலுக்கான வசதிகள் செய்யப்பட்டன. அதாவது யானையின்
நீளத்திற்கு சமமமாக “ஷவர்பாத்” தயாரிக்கப்பட்டு மீனாட்சி அம்மன் கோவிலில்
அமைக்கப்பட்டது.

இந்த
“ஷவர்பாத்”தில் யானை பார்வதி நேற்று முதல் ஆனந்த குளியலில் ஈடு
படுத்தப்பட்டது. “ஷவர்பாத்” துவாரங்களில் இருந்து தண்ணீர் பீச்சியடிப்பது
போல இருந்ததால் முதலில் யானை மிரண்டு பிளிறியது. பின்னர் சாந்தமானது.

இதுகுறித்து கோவில் இணை ஆணையர் பத்மநாபன் கூறியதாவது:-

யானை
பார்வதிக்கு வயது 15 ஆகிறது. இதன் எடை 3 ஆயிரம் கிலோ ஆகும். யானையின்
ஆரோக் கியத்தை பேணுவதற்காக பாகன்களுக்கு பயிற்சி அளிக்கப்பட்டுள்ளது. எனவே
தினசரி யானைக்கு 6 கிலோ மீட்டர் தூரம் நடை பயிற்சியும், காலை, மாலை
இருவேளையும் “ஷவர் பாத்” குளியல் வசதியும் செய்யப் பட்டுள்ளது.

மேலும்
பசும்புல், பாசி பயிறு, அரிசி, கொள்ளு, அவல், பேரீச்சம் பழம் உள்பட பல
சத்தான பொருட்கள் வழங்கப்படும். இதேபோல் மாதம் ஒருமுறை மூலிகை மருந்தான
அஷ்ட சூரணமும் வழங்கப்படும்.

யானை
நிற்பதற்கும், படுத்து தூங்குவதற்கும் வசதியாக மணல் திட்டும், கோவில்
ஒட்டகம் நிற்கும் இடத்தில் சுற்று சுவர் கட்டவும் ஏற்பாடு நடந்து
வருகிறது. மதுரை மீனாட்சி அம்மன் கோவி லுக்கு சென்னையை சேர்ந்த ஒரு பக்தர்
யானை வாங்கி தருவதாக கூறி இருக்கிறார்.

கோவிலுக்கு
வரும் பக்தர்கள் யானையிடம் ஆசி வாங்குவதற்காக தங் களது தலையை தாழ்த்தி
கொடுப்பது வழக்கம். இப்படி தலையில் ஆசி வழங் கும்போது தலையில் உள்ள பேன்,
ஈறு போன்றவை மூலம் யானைக்கு தொற்று நோய் ஏற்பட வாய்ப்பு இருப்பதால் இனி
யானை மூலம் ஆசி வழங்கும் முறை நிறுத்தப்படும்.

இவ்வாறு அவர் கூறினார்.

பேட்டியின்போது மண்டல ஆணையர் சுதர்சனம் உடன் இருந்தார்.