15 ல‌ட்ச‌ம் மெ‌ம‌ரி கா‌ர்டு, வாஸ்து மீன்க‌ள் ப‌றிமுத‌ல்

நவீன் · நவீன் Fri Aug 06, 2010 3:56 pm

சிங்கப்பூரிலிருந்து திருச்சிக்கு விமானம் மூலம் கடத்தி வரப்பட்ட ரூ. 15.70 லட்சம் மதிப்புள்ள வாஸ்து மீன்கள், மெமரி கார்டுகளை சுங்கத் துறை அதிகாரிகள் பறிமுதல் செய்தனர்.

சிங்கப்பூரிலிருந்து திருச்சிக்கு வந்த ஏர் இந்தியா விமானத்தில் வாஸ்து மீன்கள் உள்ளிட்ட பொருள்கள் கடத்தி வரப்படுவதாகச் சுங்கத் துறை வான்வழி நுண்ணறிவுப் பிரிவுக்குத் தகவல் கிடைத்தது.

இதைத் தொடர்ந்து, இந்த விமானத்தில் வந்த பயணிகளிடம் வான்வழி நுண்ணறிவுப் பிரிவினர் சோதனை மேற்கொண்டனர். அப்போது, ஒரு பயணியின் பையில் ரூ. 90,000 மதிப்புள்ள 300 வாஸ்து மீன்கள், ரூ. 14.80 லட்சம் மதிப்புள்ள 7,400 மெமரி கார்டுகள் இருப்பது தெரிய வந்தது.

இது தொடர்பாக அதே விமானத்தில் வந்த ராமநாதபுரம் மாவட்டம், தேவிப்பட்டினத்தைச் சேர்ந்த அஷ்ரப் அலியின் மகன் கஜாலியை (27) சுங்கத் துறை அதிகாரிகள் கைது செய்தனர்.

இது குறித்து சுங்கத் துறையின் திருச்சி கூடுதல் ஆணையர் சிவசங்கரன் கூறுகை‌யி‌ல், வாஸ்து மீனும், மெமரி கார்டும் கொண்டு வருவதை முன்கூட்டியே தெரிவித்திருந்தால் அது குற்றமாகக் கருதப்படமாட்டாது. ஆனால், கஜாலி தகவல் எதுவும் தெரிவிக்காமல் கொண்டு வந்துள்ளதால், அது வரி ஏய்ப்பு செய்யும் வகையில் கடத்தப்படுவதாகக் கருதப்படுகிறது.

இது சுங்கச் சட்டம் 135-ன்படி தண்டனைக்குரியது. இதன்படி கஜாலி கைது செய்யப்பட்டுள்ளார். குறைந்த விலைக்கு வாங்கி வந்து இங்கு கூடுதல் விலைக்கு விற்பதற்காக அவர் இந்தப் பொருள்களைக் கடத்தி வந்திருப்பது விசாரணையில் தெரிய வந்தது என்று சிவசங்கரன் தெ‌ரி‌வி‌த்தா‌ர்.

15 ல‌ட்ச‌ம் மெ‌ம‌ரி கா‌ர்டு, வாஸ்து மீன்க‌ள் ப‌றிமுத‌ல்

15 ல‌ட்ச‌ம் மெ‌ம‌ரி கா‌ர்டு, வாஸ்து மீன்க‌ள் ப‌றிமுத‌ல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக