தாய் மொழி

கோவை. மு. சரளா · கோவை. மு. சரளா Fri Aug 06, 2010 3:27 pm

உறங்கித்தான் போனேன்
எழுப்ப ஆளில்லா
ஆழ்ந்த உறக்கத்தில்
தொலைந்து போனது என்
நினைவுகள் மட்டுமல்ல
என் நிஜங்களும் தான்

விழித்துக்கொண்டேன் இப்பொழுது
விழி பிதுங்கி நிற்கிறேன்
பாதைகள் மாறி போனது
பயணங்கள் மறந்து போனது

மீண்டும் கருவறை
குழந்தையாய்
அம்மாவின் சுவாசம் தேடி
என்னை உயிர்பிக்க அலைமோதுகிறேன் .............

இறக்கும் முன்பாவது என்
இருப்பிடம் அறிந்ததில்
இருப்பு கொள்ளவில்லை
இதய துடிப்பு அடங்கவில்லை ......