பாகிஸ்தானுடன் படிப்படியாக பேச்சு நடத்த இந்தியா தயார்: எஸ்.எம். கிருஷ்ணா

நவீன் · நவீன் Fri 6 Aug 2010 - 16:00

புது தில்லி,
பாகிஸ்தானுடன் பல்வேறு விஷயங்களில் படிப்படியாக பேச்சுவார்த்தைநடத்த
இந்தியா தயாராக உள்ளது என்று மத்திய வெளியுறவுத் துறை அமைச்சர் எஸ்.எம்.
கிருஷ்ணா கூறினார்.மாநிலங்களவையில் வியாழக்கிழமை உறுப்பினர்கள் எழுப்பிய கேள்விகளுக்கு அமைச்சர் எஸ்.எம். கிருஷ்ணா அளித்த பதில்:பாகிஸ்தானுடன்
பேச்சு நடத்த இந்தியா எப்போதும் தயாராக உள்ளது. இந்தியாவின் தாராள மனதை
பாகிஸ்தான் புரிந்துகொண்டு, நட்புறவை வளர்க்க வேண்டும். பாகிஸ்தானுக்கும்,
இந்தியாவுக்கும் இடையே உள்ள கருத்து வேறுபாடுகளை படிப்படியாக களைய இந்தியா
விரும்புகிறது. இதற்காக அந்த நாட்டுடன் பேச்சு நடத்தவும் இந்தியா
விரும்புகிறது என்றார் அவர்.அப்போது பாஜக உறுப்பினர் அலுவாலியா
பேசியதாவது: காஷ்மீர், சியாச்சின், சர் கிரீக் விஷயங்கள் குறித்து
பாகிஸ்தானுடன் இந்தியா பேச்சு நடத்துமா என்று கேள்வி எழுப்பினர்.இதற்கு
எஸ்.எம். கிருஷ்ணா அளித்த பதில்: எதைப் பற்றியும் நாம் கவலைப்படத்
தேவையில்லை. நமது சிந்தனை தெளிவாக இருக்கிறது. பாகிஸ்தான் விஷயத்தில் நமது
நிலைப்பாடும் தெளிவாக இருக்கிறது. எனவே பாகிஸ்தான் அமைச்சர்கள்,
அதிகாரிகளுடன் பேச்சுவார்த்தை நடத்த நாம் ஏன் வெட்கப்படவேண்டும்? என்றார்
அவர்.இந்தியா மீது பாகிஸ்தான் பயங்கரவாதிகள் தாக்குதல் நடத்தி
வரும் நிலையிலும் பேச்சுவார்த்தையைத் தொடர இந்தியா விரும்புவது ஏன் என்று
பாஜக உறுப்பினர்கள் கேள்வி எழுப்பியதற்கு, எஸ்.எம்.கிருஷ்ணா, ""இந்தப்
பிரச்னை குறித்து பாகிஸ்தானின் கவனத்துக்கு கொண்டு சென்றுள்ளோம். புனிதப்
போர் என்ற பெயரில் பாகிஸ்தான் பயங்கரவாதிகள் தாக்குதல் நடத்தி வருகின்றனர்.பயங்கரவாதிகளை ஒடுக்காவிட்டால் இரு நாடுகளிடையே நம்பிக்கையை மேம்படாது என்பதையும் நான் பாகிஸ்தானுக்குத் தெரிவித்துவிட்டேன்.பேச்சுவார்த்தை
நடத்த வருமாறு பாகிஸ்தான் வெளியுறவு அமைச்சர் ஷா மெஹ்மூத் குரேஷிக்கு
அழைப்பு விடுத்துள்ளேன். பாகிஸ்தானுடன் இந்தியாவின் பேச்சு தொடரும்.
பாகிஸ்தானுடன் நட்புறவு கொள்ளவே இந்தியா விரும்புகிறது என்றார் அவர்.