போலியான ஆவணங்கள் தயாரித்து ரூ.3 லட்சம் நில மோசடி: ஒருவர் கைது

நவீன் · நவீன் Fri Aug 06, 2010 2:52 pm

ராமநாதபுரம்

ராமநாதபுரத்தில் போலியான ஆவணம் தயாரித்து ரூ.3 லட்சம் மதிப்புள்ள சொத்தை
மோசடி செய்ததாக வியாழக்கிழமை ஒருவர் கைது செய்யப்பட்டார். ராமநாதபுரம்
வெளிப்பட்டினம் கம்பர் தெருவைச் சேர்ந்தவர் கேசவன் மகன் கோகுலகண்ணன் (33).
இவர் அம்மன்கோயில் கிராமத்தில் உள்ள ரூ.3 லட்சம் மதிப்புள்ள நிலத்தை
ராமநாதபுரத்தில் நாகநாதபுரத்தைச் சேர்ந்த தியாகராஜன் மகன் ஞானசேகரனுக்கு
பவர் எழுதிக் கொடுத்துவிட்டு அதே சொத்தை ஞானசேகரனுக்கு தெரியாமல் ஆண்டி
என்பவருக்கு விற்று விடுகிறார். இதனை அறிந்த ஞானசேகரன் மாவட்ட
குற்றப் பிரிவு போலீஸில் புகார் செய்ததை தொடர்ந்து கோகுலகண்ணனை போலீஸôர்
கைது செய்தனர். இச்சம்பவம் 2009 ஆம் ஆண்டு நடந்துள்ளது.
சிறையிலிருந்து வெளிவந்த கோகுலகண்ணன் 2009 ஆம் ஆண்டுக்குரிய
வழக்கிலிருந்து தப்பிக்க ஏற்கெனவே போட்ட ஒப்பந்தப் பத்திரத்தை ரத்து
செய்யும் வகையில் போலியாக ஆவணம் தயாரித்து ஞானசேகரனை மிரட்டி அதில்
கையெழுத்து வாங்கியுள்ளார். இச்சம்பவம் தொடர்பாக மீண்டும் ஞானசேகரன்
ராமநாதபுரம் எஸ்.பி.பிரதீப்குமாரிடம் புகார் செய்ததைத் தொடர்ந்து மாவட்ட
குற்றப்பிரிவு போலீஸ் இன்ஸ்பெக்டர் மலைராஜ் கோகுலகண்ணனைக் கைது
செய்துள்ளார். கோகுலகண்ணன் தயாரித்த போலி ஆவணத்தில் சாட்சிக்
கையெழுத்து போட்டதாக ராமநாதபுரம் வசந்த நகரைச் சேர்ந்தவர்களான கோபால் மகன்
ஆனந்தன், ஆறுமுகம் மகன் முருகபூபதி ஆகிய இருவரையும் காவல்துறையினர் தேடி
வருகின்றனர். மிரட்டி கையெழுத்து வாங்கியது ராமநாதபுரம்
கேணிக்கரை காவல் நிலையமாக இருப்பதால் சம்பவத்தில் தொடர்புடையவர்களையும்
மாவட்டக் குற்றப்பிரிவு போலீஸôர் வழக்குப் பதிந்து தேடி வருகின்றனர்.

போலியான ஆவணங்கள் தயாரித்து ரூ.3 லட்சம் நில மோசடி: ஒருவர் கைது

போலியான ஆவணங்கள் தயாரித்து ரூ.3 லட்சம் நில மோசடி: ஒருவர் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக