தீவிரப் படிப்பு, எழுத்துப் பயிற்சியே ஐஏஎஸ் தேர்வில் முதலிடம் பெறக் காரணம்: ஆர். லலிதா

நவீன் · நவீன் Fri Aug 06, 2010 2:42 pm

தஞ்சாவூர்,

தீவிரமான படிப்பு, எழுத்துப் பயிற்சியினாலேயே ஐஏஎஸ் தேர்வில் தமிழகத்தில்
முதலிடம் பெறமுடிந்தது என்றார் பெரியார் மணியம்மை பல்கலைக்கழக முன்னாள்
மாணவி ஆர். லலிதா. பெரியார் மணியம்மை பல்கலை. கட்டடப் பொறியில்
துறையில் 2005 ஆம் ஆண்டு பயின்று தேர்வடைந்த லலிதா, நிகழாண்டு நடைபெற்ற
இந்திய ஆட்சிப் பணித் தேர்வில் தமிழகத்தில் முதலிடமும், இந்திய அளவில்
12-வது இடமும் பெற்று வெற்றிபெற்றார். அண்மையில்
பல்கலைக்கழகத்துக்கு வந்த அவரை துணைவேந்தர் நல். ராமச்சந்திரன் தலைமையில்
ஆசிரியர், மாணவ, மாணவிகள் சிறப்பாக வரவேற்றனர். பின்னர் பல்கலைக்கழகத்தில் ஐஏஎஸ் பயிற்சி மைய வகுப்புகளை தொடக்கிவைத்து அவர் பேசியது:
இந்தத் தேர்வுக்காக நான் படித்தபோது எனது தந்தையும், வரலாற்றுப் பட்டம்
பெற்ற எனது தாயும் பெரும் உதவி செய்தனர். அப்போது தனியார் நிறுவனத்தில்
பணிபுரிந்து வந்தேன். பணியில் இருக்கும்போது இதுபோன்ற தேர்வுகளுக்குரிய
பாடங்களை திறம்பட பயிலமுடியாது என்பதை உணர்ந்தேன். எனவே,
அந்தப் பணியிலிருந்து விலகி, தேர்வுக்காக தீவிரமாகப் படிக்கவும், படித்ததை
எழுதிப் பார்க்கும் பயிற்சியிலும் ஈடுபட்டேன். எதிர்பார்த்த பலன்
கிடைத்தது. முதலாண்டு தேர்வு சற்று கடினமாக இருந்தாலும்,
தொடர்ந்து பயிற்சி செய்துவந்ததால் நேர்முகத் தேர்வில் தெளிவாகவும்,
திறமையாகவும் பதிலளித்தேன். இதனால் வெற்றி எளிதாகியது என்றார் லலிதா.
நிகழ்ச்சியில் முன்னாள் மாணவர் சங்கத்தைச் சேர்ந்த பேராசிரியர்கள் கவிதா,
பி.ஆர். ராஜேஸ்வரி, எஸ். கிருஷ்ணவேணி, மத்திய சட்டத் துறை முன்னாள்
அமைச்சர் கே. வெங்கடபதி, மு. கருணாநிதி அரசியல் மற்றும் அறிவியல் மைய
இயக்குநர் பி. சபாபதி உள்ளிட்டோர் பாராட்டினர். மாணவர் சங்க நிர்வாகி விஜயகுமார் வரவேற்றார். மனோகரன் நன்றி கூறினார்.

தீவிரப் படிப்பு, எழுத்துப் பயிற்சியே ஐஏஎஸ் தேர்வில் முதலிடம் பெறக் காரணம்: ஆர். லலிதா

தீவிரப் படிப்பு, எழுத்துப் பயிற்சியே ஐஏஎஸ் தேர்வில் முதலிடம் பெறக் காரணம்: ஆர். லலிதா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக