விதிமுறை மீறல்: 153 வணிக நிறுவனங்கள் மீது வழக்கு

நவீன் · நவீன் Fri Aug 06, 2010 2:34 pm

திருச்சி,

திருச்சியில் விதிமுறைகளை மீறி செயல்பட்டதாக 153 வணிக நிறுவனங்கள் மீது அண்மையில் வழக்குத் தொடரப்பட்டுள்ளது. இதுகுறித்து திருச்சி தொழிலாளர் ஆய்வாளர் எஸ். சுந்தர்ராஜ் வியாழக்கிழமை வெளியிட்ட செய்திக் குறிப்பு:
"திருச்சி மாநகரப் பகுதியில் உறையூர், புத்தூரில் உள்ள சந்தைகள், சத்திரம்
பேருந்து நிலையம், எடத்தெரு, கீழரண் சாலை, என்.எஸ்.சி. போஸ் சாலை மற்றும்
பேருந்து நிலைய பகுதிகளில் தொழிலாளர் ஆய்வாளர் அலுவலக அதிகாரிகள் இரண்டு
நாள்கள் ஆய்வு மேற்கொண்டனர். அப்போது, உரிய காலத்தில் மறு
பரிசீலனை செய்யாத மற்றும் மறு முத்திரையிடாத எடையளவுகள், மின்னணு
தராசுகள், மேஜை தராசுகள், விட்டத் தராசுகள், எடைக் கல்கள் ஆகியவை பறிமுதல்
செய்யப்பட்டன. கடைகள் மற்றும் நிறுவனங்களில் வார விடுமுறை
அனுசரிக்காத 120 நிறுவனங்கள், இரவு 10 மணிக்கு மேல் சட்டத்துக்குப்
புறம்பாக வியாபாரம் செய்த 28 வணிக நிறுவனங்கள், அரசு நிர்ணயம் செய்த
சம்பளத்தை தொழிலாளர்களுக்கு வழங்காத 5 நிறுவனங்கள் என மொத்தம் 153
நிறுவனங்கள் மீது வழக்குகள் தொடரப்பட்டுள்ளது' என்றார் அவர்.தொடக்கப் பள்ளி ஆசிரியர்கள் ஆர்ப்பாட்டம்நாகப்பட்டினம்,
ஆக. 5: தமிழ்நாடு தொடக்கப் பள்ளி ஆசிரியர் கூட்டணி சார்பில் நாகை
மாவட்டத்தில் 9 மையங்களில் உதவித் தொடக்கக் கல்வி அலுவலர் அலுவலகங்கள்
முன்பாக வியாழக்கிழமை மாலை ஆர்ப்பாட்டம் நடைபெற்றது. மத்திய
அரசின் 6-வது ஊதியக் குழுவில் பள்ளி ஆசிரியர்களுக்கு நிர்ணயிக்கப்பட்டுள்ள
ஊதிய விகிதத்தை தமிழக ஆசிரியர்களுக்கும் வழங்க வேண்டும். ஒரு நபர் குழு
மீதான ஆணையைத் தமிழக அரசு வெளியிட வேண்டும் என்ற கோரிக்கைகளை வலியுறுத்தி
இந்த ஆர்ப்பாட்டம் நடைபெற்றது. நாகை உதவித் தொடக்கக் கல்வி
அலுவலர் அலுவலகம் முன்பாக நடைபெற்ற ஆர்ப்பாட்டத்துக்கு வட்டாரத் தலைவர்
மா. ரவி, நகரத் தலைவர் பா. இளமுருகு ஆகியோர் தலைமை வகித்தனர். மாநிலப் பொதுக் குழு உறுப்பினர் சி. பிரபா, மாவட்டச் செயற்குழு உறுப்பினர் க. விஜயசாமுண்டீஸ்வரி ஆகியோர் முன்னிலை வகித்தனர்.
மாவட்டச் செயலர் மு. லட்சுமிநாராயணன், துணைச் செயலர்கள் இரா. மணிவண்ணன்,
வி. ஜெயந்தி, ஓய்வு பெற்ற தலைமை ஆசிரியர் நா. நடராஜன், முன்னாள் வட்டாரத்
தலைவர் இரா. முத்துகிருஷ்ணன், நகரச் செயலர் சகாய ஜோசப்ராஜ், வட்டாரச்
செயலர் என். தட்சிணாமூர்த்தி மற்றும் நிர்வாகிகள் பேசினர். இதே
கோரிக்கையை வலியுறுத்தி, நாகை மாவட்டம், செம்பனார்கோவில், திட்டச்சேரி,
வேதாரண்யம், தலைஞாயிறு, கீழையூர், கொள்ளிடம், மயிலாடுதுறை, கீழ்வேளூர்
ஆகிய பகுதிகளிலும் உதவித் தொடக்கக் கல்வி அலுவலர் அலுவலகங்கள் முன்பாக
தொடக்கப்பள்ளி ஆசிரியர் கூட்டணி சார்பில் ஆர்ப்பாட்டம் நடைபெற்றது.

விதிமுறை மீறல்: 153 வணிக நிறுவனங்கள் மீது வழக்கு

விதிமுறை மீறல்: 153 வணிக நிறுவனங்கள் மீது வழக்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக