உணவுப் பணவீக்கம் 9.53%

புது தில்லி,

நாட்டின் உணவுப் பணவீக்கம் ஜூலை 24-ம் தேதியுடன் முடிவடைந்த வாரத்தில்
9.53 சதவீதமாகக் குறைந்தது. குறிப்பாக காய்கறிகளில் வெங்காயம், உருளைக்
கிழங்கின் விலை குறைந்திருந்தது.ஜூலை 17-ம் தேதியுடன் முடிவடைந்த
வாரத்தில் உணவுப் பணவீக்கம் 9.67 சதவீதமாக இருந்தது. தொடர்ந்து இரண்டாவது
வாரமாக உணவுப் பணவீக்கம் ஒற்றை இலக்கத்தில் நீடிப்பது குறிப்பிடத்தக்கது.ஆண்டு
கணக்கீட்டின்படி உருளைக் கிழங்கு விலை 41.14 சதவீதம் குறைந்து
காணப்பட்டது. கடந்த ஆண்டுடன் ஒப்பிடுகையில் காய்கறிகளின் விலை 17.32
சதவீதம் குறைந்திருந்தது. வெங்காயத்தின் விலை 4.06 சதவீதம்
குறைந்திருந்தது.இருப்பினும் பருப்பு வகைகளின் விலை 20.49 சதவீதம்
குறைந்திருந்தது. ஆனால் அரிசி, கோதுமை விலை 7.28 சதவீதம் உயர்ந்திருந்தது.
பால் விலை 19.03 சதவீதம் உயர்ந்தது.அறுவடைக்குப் பிறகு புதிய
பயிர்கள் சந்தைக்கு வரும்போது உணவுப் பொருள்களின் விலை மேலும் குறையும்
என்று ரிசர்வ் வங்கி தெரிவித்துள்ளது. வட்டி விகிதம் உயர்த்தப்பட்டதால்
பணப்புழக்கம் குறைந்துள்ளது. இதன் காரணமாக பணவீக்கம் மேலும் குறையும்
என்றும் ரிசர்வ் வங்கி ஆய்வாளர்கள் தெரிவித்தனர்.பெட்ரோல், டீசல் விலை உயர்வு காரணமாக எவ்வித பாதிப்பும் தெரியவில்லை. விலையில் பெரிய அளவு மாற்றமில்லை.பழங்களின் விலை 2.34 சதவீதமும், கடல் மீன் விலை 2 சதவீதமும் குறைந்திருந்தது.பருவ
மழை நன்கு பெய்துள்ளதால் விவசாய உற்பத்தி அதிகரித்து வேளாண் பொருள்களின்
வரத்து அதிகரிக்கும்போது அத்தியாவசியப் பொருள்களின் விலை மேலும் குறையும்.
எதிர்வரும் மாதங்களில் இது நிகழ வாய்ப்புள்ளதாக என்சிஏஇஆர் மைய தலைமை
புள்ளியியல் நிபுணர் ராஜேஷ் சுக்லா தெரிவித்தார்.பணப் புழக்கத்தைக் கட்டுப்படுத்த கூடுதலாக வட்டி விகிதத்தை ரிசர்வ் வங்கி உயர்த்த வாய்ப்பில்லை என்றும் அவர் குறிப்பிட்டார். உணவுப்
பணவீக்கம் குறைவதில் பருவ மழை மிக முக்கிய பங்கு வகிக்கிறது. இந்த ஆண்டு
பருவ மழை எதிர்பார்த்த அளவுக்கு நாட்டின் பல பகுதிகளில் பெய்து வருகிறது.
எனவே உணவுப் பொருள்களின் விலை மேலும் குறையும் என்று ஆக்ஸிஸ் வங்கி தலைமை
பொருளாதார நிபுணர் செüகதா பட் தெரிவித்தார்.கடந்த ஆண்டு டிசம்பரில்
உணவுப் பணவீக்கம் 21.6 சதவீதமாக இருந்தது. தற்போது இது 9.53 சதவீதமாகக்
குறைந்துள்ளது. இது அரசு எடுத்த நடவடிக்கையின் வெளிப்பாடு என்று
மாநிலங்களவையில் மத்திய நிதி அமைச்சர் பிரணாப் முகர்ஜி குறிப்பிட்டார்.