ஆன்மாவின் தூய்மை

ஒருவரது உடலில் இயங்கும் ஆன்மா, உலகில் உள்ள அனைவரின் ஆன்மாக்களோடும் தொடர்பு கொண்டுள்ளது. உடல் அழிந்தாலும் ஆன்மாவாகிய அலைத் தொகுப்பு வான்காந்த மண்டலத்தின் மூலம் வாழுகின்ற சீவன்களின் ஆன்மாவோடு கலந்து அந்த சீவன்களின் மூலமாக செயலாக்கம் பெறுகிறது.

இறைநீதிப்படி மனித உடலில் சீவகாந்தம் சுழன்றோடி மையத்தில் திணிவுபெற்று கருமையமாக விளங்குகிறது. இந்த கருமையத்தில் வித்து மையம், உயிர் மையம், காந்த மையம் என்ற மூன்று மையங்களும் ஒன்றினைந்து செயல்படுகின்றன.

கருமையம், மூளை, புலன்கள் ஆகியவை இணைந்து நாம் பார்ப்பது, கேட்பது, முகர்வது, சுவைப்பது, அழுத்தமாக உணர்வது ஆகிய ஐந்து உணர்வுகளையும் உணரச் செய்கிறது. மூளை அவற்றைச் சுருக்கி சீவகாந்தத்தில் கலப்புறச் செய்து கருமையத்தில் பதிவு செய்கிறது. பின்னர் எடுத்து எண்ணங்களாக மலரச் செய்கிறது.

உதாரணமாக : நாம் ஒரு பசுவைக் கண்கள் மூலம் பார்க்கிறோம். பசுவின் உருவம் நான்கு அடி உயரம். ஆறு அடி நீளம். பசு பெரியதாக இருந்தபோதிலும் நமது கண்களில் அதன் பிரதிபலிப்பு சிறியதாக, ஒரு கொசு அளவில் தெரிகிறது. சீவகாந்த அலை மூலம் அந்தச் சிறு உருவம் மேலும் சுருங்கி மூளைக்குப் போகும்போது புள்ளியாகவே மாறிவிடுகிறது. மூளை செல்களால் அந்தப் பள்ளியும் அலையாக்கப்பட்டு உடலில் உள்ள சீவகாந்த அலையில் கலந்து விடுகிறது. அந்தச் சீவகாந்த அலையின் திணிவு பெற்ற இடமான கருமையத்திற்குச் சென்று இருப்பாகி விடுகிறது. ஏற்கனவே, இருந்த அந்தக் கருமையத்தின் தன்மைகளோடு பசு என்ற காட்சியும் கருமையத்தின் தன்மையாக மாறிவிடுகிறது.

மீண்டும் சில நாட்கள் கழித்து நாம் அங்கு என்ன பார்த்தோம் என்று நினைக்கிறோம். சீவகாந்தம் எப்போதும் உடலில் சுழன்று கொண்டே இருப்பதால், அதன் அலை மூளை செல்களில் மோதும்போது கருயைத்தில் இருப்பாகப் பதிந்து இருக்கின்ற அந்த பசுவின் உருவம் கருமையத்திலிருந்து மன அலை மூலம் எண்ணமாக வெளிப்படுகிறது. எந்த மன அழைச்சுழலில் விரைவில் பசுவின் உருவம் கருமையத்தில் பதிவானதோ, அதே மன இலைச் சுழல் விரைவில் மனம் இயங்கும்போது, பசுவின் உருவத்தை எண்ணமாக மனம் விரித்துக் காண்பிக்கிறது.

மனிதன் எந்தச் செயல் செய்தாலும் உடலில் ஓடிக் கொண்டிருக்கும் சீவகாந்தத்தில் ஏற்படும் தாக்கங்கள் அனைத்தும் கருமையத்தில் போய்ச் சேருகின்றன. இந்த நிகழ்ச்சியை வினைப்பதிவு என்று கூறுகிறோம்.

நவீன் wrote:

அருமையான கட்டுரை நண்பா,,,,,,,,,,,

arun_vzp wrote:அருமையான கட்டுரை நண்பா,,,,,,,,,,,

நன்றி அருண்