ஜெயலலிதாவை கண்டித்து ஆர்ப்பாட்டம்: ஒத்துழைப்பு வழங்கிய அனைவருக்கும் நன்றி: மு.க.ஸ்டாலின்

நவீன் · நவீன் Thu Aug 05, 2010 5:14 pm

ஜெயலலிதாவை கண்டித்து நடைபெற்ற ஆர்ப்பாட்டத்தில் ஒத்துழைப்பு வழங்கிய அனைவருக்கும் மு.க.ஸ்டாலின் நன்றி தெரிவித்து உள்ளார்.
தி.மு.க. பொருளாளர், இளைஞர் அணி செயலாளர் மு.க.ஸ்டாலின் வெளியிட்டுள்ள அறிக்கையில் கூறியிருப்பதாவது:-
சொத்து குவிப்பு வழக்கில் சாக்குபோக்கு சொல்லியே வாய்தா மேல் வாய்தா
வாங்கி 13 ஆண்டுகளாக இழுத்தடிக்கும் ஜெயலலிதாவிற்கு எதிர்ப்பு
தெரிவித்தும், தன்னை ஒரு உத்தமி போல காட்டிக்கொள்ள, தமிழக மக்களை
அவமதிக்கும் விதமாக அறிக்கைமேல் அறிக்கை விடுக்கும் ஆவணப்போக்கினை
கண்டித்தும், தலைமை கழக ஒப்புதலோடு, தி.மு.க. இளைஞர் அணியின் சார்பில்,
ஆகஸ்டு 4-ந் தேதி( நேற்று) தமிழகம் முழுவதும் மாவட்ட தலைநகரங்களில்
நடைபெற்றுள்ள மாபெரும் கண்ட ஆர்ப்பாட்டம் மிகுந்த எழுச்சியோடு
அமைந்துள்ளது.
இந்த ஆர்ப்பாட்டம் வெற்றி பெற அயராது பணியாற்றிய தி.மு.க. இளைஞர்
அணியின் மாவட்ட அமைப்பாளர்கள்-துணை அமைப்பாளர்கள் உள்ளிட்ட இளைஞர்
அணியினருக்கு பாராட்டுதலையும்- அனைத்து வகையிலும் உடனிருந்து ஒத்துழைப்பு
நல்கிய கழக நிர்வாகிகள்-மாவட்ட கழக செயலாளர்கள்- ஒன்றிய, நகர, பகுதி,
பேரூர் கழக செயலாளர்கள், நிர்வாகிகள், மாணவர் அணி, மகளிர் அணி, தொண்டர்
அணி, தொழிலாளர் அணி, இலக்கிய அணி உள்ளிட்ட அனைத்து அணிகளை சேர்ந்த
நிர்வாகிகள்- செயல் வீரர்கள் மற்றும் கட்சி தோழர்கள் அனைவருக்கும்
தி.மு.க. இளைஞர் அணியின் சார்பில் மனமார்ந்த நன்றியை தெரிவித்து
கொள்கிறேன். இவ்வாறு மு.க.ஸ்டாலின் கூறியுள்ளார்.

ஜெயலலிதாவை கண்டித்து ஆர்ப்பாட்டம்: ஒத்துழைப்பு வழங்கிய அனைவருக்கும் நன்றி: மு.க.ஸ்டாலின்

ஜெயலலிதாவை கண்டித்து ஆர்ப்பாட்டம்: ஒத்துழைப்பு வழங்கிய அனைவருக்கும் நன்றி: மு.க.ஸ்டாலின்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக