சீமானுக்கு முதல் வகுப்பு வசதி

நவீன் · நவீன் Thu Aug 05, 2010 4:31 pm

சென்னை, வேலூர் சிறையில் அடைக்கப்பட்டுள்ள இயக்குனர் சீமானுக்கு முதல் வகுப்பு வசதி அளிக்கப்பட்டுள்ளது என்று சிறைத்துறை கண்காணிப்பாளர் அளித்த பதிலை ஏற்று நீதிபதிகள் சீமான் வழக்கை முடித்து வைத்தனர்.
.
தேசிய பாதுகாப்பு சட்டத்தில் வேலூர் சிறையில் அøடக்கப்பட் டுள்ள "நாம் தமிழர்' கட்சித் தலைவர் இயக்குனர் சீமான் தான் தனிமைச் சிறையில் அடைக்கப்பட்டிருப்பதாக வும், தனக்கு முதல் வகுப்பு வசதி வழங்கப்படவில்லை என்றும் கூறி ஐகோர்ட்டில் வழக்கு தொடர்ந்தார். இந்த வழக்கு இன்று மீண்டும் நீதிபதிகள் நாகப்பன், சிவக்குமார் ஆகியோர் அடங்கிய டிவிஷன் பெஞ்ச் முன்பு விசாரணைக்கு வந்தது. அப்போது சிறைத்துறை கண் காணிப்பாளர் சார்பில் பதில் மனு தாக்கல் செய்யப்பட்டது. அதில் சீமான் அடைக்கப்பட்டுள்ள சிறை திறந்த வெளி மைதானத்துடன் கூடிய பகுதி என்றும் அவர் அந்த திறந்தவெளி மைதானத்தில் எங்கு வேண்டுமானாலும் செல்லலாம், கைதிகளுடன் பேசலாம் என்று தெரிவிக்கப்பட்டு உள்ளது. அவர் தனிமைச் சிறையில் அடைக்கப்படவில்லை என்றும், கொசு வலையுடன் கூடிய கட்டில், மெத்தை வசதி அவருக்கு அளிக்கப்பட்டுள்ளது என்றும், தேசிய பாதுகாப்பு சட்டத்தில் அடைக்கப்பட்ட பிறகும் அவருக்கு முதல் வகுப்பு வசதி அளிக்கப்பட்டுள்ளது என்றும் அந்த பதிலில் கூறப்பட்டுள்ளது. இதனை ஏற்றுக்கொண்ட நீதிபதிகள் சீமானின் வழக்கை முடித்து வைத்தனர்.