ஒட்டன்சத்திரம் அருகே விபத்து: ஒரே குடும்பத்தை சேர்ந்த 4 பேர் பலி

நவீன் · நவீன் Thu Aug 05, 2010 4:12 pm

ஒட்டன்சத்திரம்,

திண்டுக்கல்
மாவட்டம் வேடசந்தூர் தாலுகா அருகே உள்ளது ஆலம்பாடி கிராமம். இந்த ஊரை
சேர்ந்தவர் பெருமாள் நாயக்கர் (வயது50). இவரது உறவினர் ஒருவரின் வளைகாப்பு
நிகழ்ச்சி நேற்று ஆலம்பாடி கிராமத்தில் நடந்தது.

இதில் கலந்து கொள்வதற்காக வெளியூர்களில் இருந்தும் உறவினர்கள்
வந்திருந்தனர். வளைகாப்பு நிகழ்ச்சி முடிந்ததும பலர் சொந்த ஊருக்கு
திரும்பினர். ஒரு சிலர் மட்டும் ஆலம்பாடியிலேயே தங்கி விட்டு இன்று மாலை
புறப்பட திட்டமிட்டு இருந்தனர்.

இந்த
நிலையில் வெளியூரில் இருந்து வந்த உறவினர்கள் சிலர் பழனி கோவிலுக்கு
சென்று வர விரும்பினர். இதையடுத்து பெருமாள் நாயக்கர், உறவினர்கள் 8
பேருடன் இன்று காலை 4.30 மணிக்கு ஒரு வேனில் பழனிக்கு புறப்பட்டனர்.
சுமார் 5.15 மணிக்கு அந்த வேன் ஒட்டன்சத்திரம்- வேடசந்தூர் ரோட்டில்
வெரியவூர் பிரிவு அருகே சென்று கொண்டிருந்தது.

அப்போது
அங்கு ரோட்டோரமாக நின்று கொண்டிருந்த மணல் லாரி மீது வேன் வேகமாக மோதியது.
இதில் வேன் சுக்குநூறாக நொறுங்கியது.அதில் பயணம் செய்தவர்கள் வேனுக்கு
வெளியே தூக்கி வீசப்பட்டனர். பலர் இடிபாடுகளுக்குள் சிக்கி உயிருக்கு
போராடினார்கள். இந்த கோர விபத்தில் வேனில் பயணம் செய்த ஒரே குடும்பத்தை
சேர்ந்த 4 பேர் உடல் நசுங்கி பலியானார்கள். அவர்கள் பெயர் விபரம் வருமாறு:-

1. பெருமாள் நாயக்கர், 2. கண்ணமாள்(40), 3. கிருஷ்ணசாமி(47), 4. மனோகரன்(21).

இதில்
கிருஷ்ணசாமியும், கண்ணமாளும் கணவன்- மனைவி ஆவார்கள். இவர்களது மகன்தான்
மனோகரன். மேலும் இந்த விபத்தில் சுதா முத்துலட்சுமி, லதா, சக்திவேல்,
முருகேஷ் ஆகிய 5 பேரும் படுகாயம் அடைந்தனர். அவர்கள் உடனடியாக
மீட்கப்பட்டு திண்டுக்கலில் உள்ள ஒரு தனியார் ஆஸ்பத்திரியில்
அனுமதிக்கப்பட்டு உள் ளனர். அங்கு தீவிர சிகிச்சை அளிக்கப்பட்டு வருகிறது.

இந்த
விபத்து குறித்து ஒட்டன்சத்திரம் துணை போலீஸ் சூப்பிரண்டு அரங்கசாமி,
இன்ஸ்பெக்டர் ஆறுமுகம் ஆகியோர் வழக்குப்பதிவு செய்து விசாரணை நடத்தி
வருகிறார்கள்.